“ही तर कारकुनी चूक”, एल्विशविरोधातील ‘तो’ गुन्हा पोलिसांकडून मागे; जामीन मिळणार का?

२०२३ नोएडा सेक्टर ३९ मध्ये एल्विशच्या विरोधात एफआयआर नोंदवण्यात आला होता. त्यानंतर त्याला चौकशीसाठी बोलावण्यात आलं होतं. गेल्यावर्षी पोलिसांनी एका पार्टीवर छापा टाकला होता. तेव्हा त्यांनी नऊ साप जप्त केले होते. त्यात पाच कोब्रोचा समावेश होता. त्यांच्याकडून सुमारे २० मिली सापाचे विष जप्त करण्यात आले. साप आणि सापाच्या विषाचा पुरवठा केल्याचा आरोप असलेल्या एल्विशवर नार्कोटिक्स ड्रग्स आणि सायकोट्रॉपिक सबस्टन्स कायद्यांतर्गत आरोप आहेत.

आणखी वाचा

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

मुंबई : गस्तीवर असलेल्या पोलीस अधिकाऱ्यावर हल्ला

पोलीस असल्याच्या बतावणीने सराफाची फसवणूक; सोनसाखळी चोरून चोरटा पसार

पुणे : शहरात लुटमारीचे प्रकार वाढीस, दुचाकीस्वार तरुणांना लुटले

महिला अत्याचार वाढले….पण, गुन्ह्यातील दोषसिद्धीचे प्रमाण मात्र……

सुनेला टीव्ही पाहू न देणे ही क्रूरता? मुंबई उच्च न्यायालयातील खटला २० वर्षांनी निकाली

एल्विशविरोधात एनडीपीएस कायदा हटवण्यात आला आहे. पोलीस म्हणाले, आम्ही चुकून एनडीपीएस कायदा लागू केला होता. ही कारकुनी चूक होती. एनडीपीएस कायद्यात जामीन मिळणे अवघड आहे.

एखाद्या व्यक्तीला कोणतेही अंमली पदार्थ किंवा सायकोट्रॉपिक पदार्थाचे उत्पादन, शेती, ताबा, विक्री, खरेदी, वाहतूक, साठवण आणि सेवन करण्यास प्रतिबंधित करण्यासाठी अंमली पदार्थ आणि सायकोट्रॉपिक पदार्थ कायदा १९८५ लावला जातो.

एल्विशला जामीन मिळणार का?

२० मार्च रोजी जामीन सुनावणी दरम्यान एल्विश यादवला कोणताही दिलासा मिळाला नाही.स्थानिक बार असोसिएशनच्या संपामुळे सुनावणी पुढे ढकलण्यात आली आहे. त्यामुळे एल्विश यादवला अद्यापही जामीन मिळालेला नाही.

नेमकं प्रकरण काय?

नोव्हेंबर महिन्यात नोएडा पोलीस आणि वन विभागाच्या पथकाने साप पकडणाऱ्या ५ गारुडींना अटक केली होती. त्यांच्याकडून ५ कोब्रा आणि काही विष जप्त करण्यात आले होते. या आरोपींनी सांगितलं की ते एल्विश यादवला सापाचे विष पुरवायचे. त्यानंतर एल्विश यादवसह सहा जणांविरुद्ध वन्यजीव संरक्षण कायद्यांतर्गत गुन्हा दाखल करण्यात आला होता. याच प्रकरणात एल्विशला अटक झाली आहे. आरोप सिद्ध झाल्यास मी नग्न होऊन नाचेन असं विधान काही दिवसांपूर्वी करण्याऱ्या एल्विशने आता गुन्ह्याची कबुली दिल्याचं पोलीस सूत्रांनी सांगितलं आहे.