‘इरॉस’ पुन्हा प्रेक्षकांच्या सेवेत! सात वर्षांनी उघडलं मुंबईतल्या सर्वात दिमाखदार सिनेमागृहाचं दार

कोणात सिनेमा पाहू शकता?

इरॉस सिनेमा हॉलच या ठिकाणी आता तंत्रज्ञानाने सुस्सज असलेला आयमॅक्स सिनेमा सुरु झाला आहे. शाहिद कपूर आणि क्रिती सेनॉन यांचा ‘तेरी बातोमें ऐसा उलझा जिया’ या चित्रपटाच्या खेळाने या सिनेमागृहाचं दार पुन्हा उघडलं आहे. २०१७ नंतर सात वर्षांनी इरॉस सिनेमागृहात सिनेमा पाहता येणार आहे. इरॉस आयनॉक्स आयमॅक्स सिनेमा असं या सिनेमागृहाचं नाव आता झालं आहे. तसंच ‘फायटर’ या सिनेमाचे शो देखील या ठिकाणी सुरु आहेत.

आणखी वाचा

Video: प्रेमिका ने प्यार से…; ‘लाखात एक आमचा दादा’ मालिकेतील सूर्यादादाचा काजू, पुड्याबरोबर जबरदस्त डान्स, पाहा व्हिडीओ

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Video: अर्जुनचं ‘ते’ कृत्य पाहून प्रियाला बसला धक्का आता…; पाहा ‘ठरलं तर मग’ मालिकेच्या महाएपिसोडचा प्रोमो

‘छावा’नंतर भगवान परशुरामाची भूमिका साकारणार विकी कौशल; सिनेमाचे पहिले पोस्टर आणि जबरदस्त लूक आला समोर

‘महाराष्ट्राची हास्यजत्रा’ फेम अभिनेता प्रसाद खांडेकरचा येणार नवा चित्रपट, चित्रीकरणासाठी पोहोचला ‘या’ देशात

ठरलं तर मग : अखेर मधुभाऊंची जेलमधून होणार सुटका! अर्जुनने कोर्टात घेतली मोठी जबाबदारी, पाहा प्रोमो

ठरलं तर मग : बाप-लेकीची भेट! अर्जुनने निभावलं जावयाचं कर्तव्य, मधुभाऊंना पाहताच सायलीला अश्रू अनावर, पाहा प्रोमो

घरबसल्या पाहा प्राजक्ता माळीचा ‘फुलवंती’ सिनेमा; ‘या’ OTT प्लॅटफॉर्मवर आहे उपलब्ध

दक्षिण मुंबईची शान असलेलं इरॉस थिएटर

चर्चगेट स्टेशनच्या समोर आपल्या खास स्थापत्य वास्तूशैलीत उभं असलेलं इरॉस थिएटर हे दक्षिण मुंबईची शान असलेलं सिनेमागृह आहे. इंग्रजांच्या काळापासून या सिनेमाची इमारत उभी आहे. मात्र २०१७ पासून हे सिनेमागृह बंद झाल्याने प्रेक्षक हळहळले होते. जे आता हे सिनेमागृह सुरु झाल्याने सुखावले आहेत. मुंबईतल्या अत्यंत पॉश भागातलं हे पहिलं आयमॅक्स सिनेमागृह आहे. या ठिकाणी आयमॅक्स तंत्राने सिनेमा पाहता येणार आहे. ३०० आसनांची क्षमता असलेलं हे सिनेमागृह वैविध्यपूर्ण सोयी सुविधांनी सुसज्ज झालं आहे.

इरॉस हे नाव कसं पडलं?

१९३५ मध्ये पारशी व्यापारी शियावक्स कावसजी कंबाटा यांच्या मालकीच्या जागेवर वास्तुविशारद सोहराबजी भेदवार यांनी डिझाईन केलेलं हे सिनेमागृह. या सिनेमागृहाचं इरॉस हे नाव ग्रीक देवतेच्या नावावरुन ठेवण्या आलं. १० फेब्रुवारी १९३८ या दिवशी हे सिनेमागृह प्रेक्षकांसाठी खुलं करण्यात आलं. ही इमारत कंबाटा कुटुंबाच्या मालकीची होती. त्यानंतर ही इमारत आता मेट्रो रिअॅलिटीला ३० वर्षे भाडे तत्त्वावर देण्यात आली. आता या ऐतिहासिक वास्तूची डागडुजी पूर्ण झाली आहे. पु्न्हा एकदा नव्या खास अनुभवासह आयकॉनिक समजल्या जाणाऱ्या या सिनेमागृहात प्रेक्षकांना सिनेमा पाहण्याचा आनंद लुटता येणार आहे.

मेट्रो रिअॅलिटीची व्यवस्थापकीय भागीदार अक्षत गुप्ता यांनी सांगितलं की या सिनेमागृहात असलेली कलाकुसर अत्यंत नाजूक होती. त्यामुळेच डागडुचीसाठी आम्हाला वेळ लागला. इरॉसच्या अनेक आठवणी मुंबईकरांच्या आणि इथे भेट दिलेल्या प्रत्येकाच्या मनात आहेत. आम्हाला त्या तशाच जपून पुनर्रचना करायची होती. तसंच सिनेमा हॉलचा रेड कार्पेटचा इतिहास आणि स्थापत्य कला हे सांभाळून आम्ही ही रचना केली आहे. लिफ्टपासून पायऱ्यांपर्यंत अगदी प्रत्येक बारकाव्याचा विचार आम्ही केला आहे. इरॉसच्या मूळ प्रतिमेला धक्का न लावता हे काम करण्यात आलं आहे.