प्रसिद्ध गायक राजू पंजाबींचे निधन, १० दिवसांपासून सुरू असलेली मृत्यूशी झुंज अपयशी

“ड्रग्ज दिले, न्यूड व्हिडीओ काढला”, आदिल खानच्या आरोपांवर राखी सावंतची पहिली प्रतिक्रिया; म्हणाली, “या माणसाचा…”

राजू पंजाबी यांच्या पार्थिवावर त्यांच्या मूळ गावी रावतसर खेडा येथे अंत्यसंस्कार करण्यात येणार आहेत. ते सध्या आझादनगर, हिस्सार इथे राहत होते. त्यांच्या मृत्यूची बातमी मिळताच त्यांचे नातेवाईक आणि चाहते हिस्सारला पोहोचले. हरियाणवी इंडस्ट्रीतील अनेक कलाकार हिस्सारला पोहोचले असून या दु:खात सहभागी झाले आहेत. त्यांचा मृतदेह रुग्णालयातून त्यांच्या निवासस्थानी नेण्यात येत आहे.

राजू पंजाबींवर हिस्सारमध्ये उपचार सुरू होते. उपचारादरम्यान ते बरे होऊन घरी गेले होते, मात्र त्यांची प्रकृती पुन्हा खालावली. यानंतर त्यांना पुन्हा रुग्णालयात दाखल करण्यात आले. राजू पंजाबी विवाहित असून त्यांना ३ मुली आहेत.

राजू पंजाबी हरियाणा, पंजाब आणि राजस्थानमध्ये प्रचंड लोकप्रिय होते. ‘सॉलिड बॉडी’, ‘सँडल’, ‘तू चीज लाजवाब’, ‘देसी-देसी’ अशी त्यांची अनेक गाणी लोकप्रिय आहेत. सपना चौधरीसोबतची त्यांची जोडी खूप गाजली होती.