बॉलिवूडमध्ये सध्या अनेक कलाकार हे विवाह बंधनात अडकत असल्याचे दिसत आहे. काही दिवसांपूर्वी अभिनेत्री कतरिना कैफ आणि विकी कौशल लग्न बंधनात अडकले. त्यांच्यापाठोपाठ आता अभिनेता फरहान अख्तर आणि मराठमोळी मॉडेल शिबानी दांडेकर विवाहबंधनात अडकणार असल्याचे समोर आले आहे.
‘बॉलिवूड लाइफ’ला सूत्रांनी दिलेल्या माहितीनुसार, फरहान आणि शिबानी मार्च महिन्यात लग्न बंधनात अडकणार आहेत. सूत्रांनी दिलेल्या माहितीनुसार, फरहान आणि शिबानी मुंबईत मार्च महिन्यात लग्न करण्याचा विचार करत आहेत. पण करोनाचा वाढता प्रभाव आणि बॉलिवूड कलाकरांना होणारा करोनाचा संसर्ग पाहाता त्यांनी लग्न खासगी पद्धतीने करण्याचा निर्णय घेतला आहे. त्यांच्या लग्नाला केवळ जवळचे नातेवाईक आणि कुटुंबीय हजेरी लावणार आहेत.
आणखी वाचा : इजिप्तमध्ये ‘किंग’ खानमुळे मराठमोळ्या महिलेला झाला फायदा
फरहान आणि शिबानी गेल्या काही वर्षांपासून एकत्र राहत आहेत. करोनामुळे त्यांना लग्न आणखी पुढे ढकलायचे नाही. त्यामुळे त्यांनी खासगी पद्धतीने लग्न करण्याचा निर्णय घेतल्याची माहिती सूत्रांनी दिली आहे. लग्नासाठी फरहान आणि शिबानीने ५ स्टार हॉटेल बुक केले आहे. तसेच इतर काही गोष्टींकडे ही ते लक्ष देते आहेत. लग्नासाठी त्यांनी बॉलिवूड सेलिब्रिटी डिझायनर सब्यासाचीकडून कपडे डिझाइन करुन घेतल्याची माहिती समोर आली आहे.
तीन वर्षांपूर्वी फरहान आणि शिबानी यांची भेट झाली होती. त्यानंतर ते दोघे रिलेशनशीपमध्ये होते. ते सतत एकमेकांसोबतचे फोटो सोशल मीडियावर शेअर करताना दिसतात. त्या दोघांचे फोटो कायम चर्चेचा विषय ठरत होते. पण आता त्यांनी लग्न करण्याचा निर्णय घेतल्यामुळे चाहते आनंदी झाले आहेत.
