बॉलिवूडमधील सर्वाधिक चर्चेत असलेली जोडी म्हणून अभिनेत्री दीपिका पदुकोण आणि अभिनेता रणवीर सिंगला ओळखले जाते. दीपिका-रणवीरची ऑनस्क्रीन आणि ऑफस्क्रीन केमिस्ट्री नेहमीच चाहत्यांचे लक्ष वेधून घेते असते. नुकतीच या दोघांनी फिफा विश्वचषकाच्या अंतिम सामन्याला हजेरी लावली होती. विशेष म्हणजे दीपिका पदुकोणने फिफा ट्रॉफीचे अनावरण केले. या सामन्यासाठी भारतातूनही मोठ्या प्रमाणात बॉलिवूड मंडळी सहभागी झाली होती.
रणवीर सिंगने आपल्या इन्स्टाग्राम अकाउंटवर दीपिका पदुकोणबरोबरचा फोटो शेअर केला आहे. त्याने कॅप्शनमध्ये लिहले आहे “खरी ट्रॉफी तर माझ्याकडे आहे. आम्ही हे एकत्र पाहिले याचा खूप आनंद आणि कृतज्ञ आहोत” अशा शब्दात त्याने आपल्या भावना व्यक्त केल्या आहेत. दीपिका पदुकोणने खचाखच भरलेल्या लुसेल स्टेडियममध्ये ‘फिफा वर्ल्ड कप ट्रॉफी’चे अनावरण केले.
अर्जेंटिना FIFA World Cup जिंकला अन् तिने मैदानात कॅमेरासमोरच टॉप काढला; Video Viral झाल्यानंतर…
कतारमध्ये रविवारी पार पडलेल्या सामन्यात अर्जेंटिनाने फ्रान्सचा पराभव करत ३६ वर्षांनी जेतेपद पटकावले आहे. अंतिम सामन्यात अर्जेंटिनाने अत्यंत रोमहर्षक पद्धतीने जेतेपदावर नाव कोरलं. या विजयानंतर जगभरामध्ये अर्जेंटिना संघाच्या चाहत्यांबरोबरच लिओनेल मेसीच्या चाहत्यांनीही जल्लोष साजरा केला.
-
ranveer
दरम्यान रणवीर सिंग सध्या चर्चेत आहे, त्याचा ‘सर्कस’ हा चित्रपट येत्या २३ डिसेंबरला प्रदर्शित होत आहे. या चित्रपटातलं दीपिकाची झलक आपल्याला पाहायला मिळणार आहे, तर दुसरीकडे दीपिका शाहरुखचा ‘पठाण’ हा पुढील वर्षी प्रदर्शित होत आहे.
