झोया अख्तरच्या ‘जिंदगी ना मिलेगी दोबारा’ चित्रपटातून पहिल्यांदाच एकत्र रुपेरी पडद्यावर झळकलेल्या हृतिक-कतरिनाच्या जोडीने प्रेक्षकांना भुरळ घातली होती. त्यांची तीच केमिस्ट्री आता आगामी ‘बँग बँग’ चित्रपटाच्या फर्स्ट लूकमध्ये पाहावयास मिळते.
‘अनजाना अनजानी’चा दिग्दर्शक सिद्धार्थ आनंदने ‘बँग बँग’चे दिग्दर्शन केले आहे. फर्स्ट लूकमध्ये चित्रपटातील मुख्य कलाकार कतरिना कैफ आणि हृतिक रोशनची झलक पाहावयास मिळते. ‘नाइट अॅण्ड डे’ या हॉलीवूड चित्रपटावर आधारित असलेल्या बँग बँगमध्ये थराराक दृश्येही पाहावयास मिळतील. या चित्रपटाचे चित्रीकरण थायलंड, ग्रीस आणि अबू धाबी येथे करण्यात आले आहे. बॉलीवूडचा क्रिश आणि धूम गर्ल आपल्या जोडीची जादू पुन्हा प्रेक्षकांवर चालविण्यात यशस्वी ठरतील का हे लवकरच कळेल.