The Lion King Trailer : ‘सिम्बा’ परत येतोय!

मात्र, ९० च्या दशकात गाजलेला हा जंगलाचा राजा सिम्बा आजच्या बच्चेकंपनीच्या विस्मृतीत गेला आहे. म्हणूनच डिझ्नेनं ९० च्या दशकातल्या या लोकप्रिय ‘लायन किंग’ला नवसंजीवनी देण्याचं ठरवलं आहे. १९ जुलैला ‘ द लायन किंग’चा रिमेक प्रदर्शित होणार आहे. याचा पहिला ट्रेलर नुकताच प्रदर्शित करण्यात आला आहे. १९९४ मध्ये आलेल्या मूळ ‘द लायन किंग’चा हा रिमेक असणार आहे. ट्रेलरमध्ये दाखवण्यात आलेली प्रत्येक दृश्य ही जून्या लायन किंगच्या दृश्याशी अगदीच मिळतीजुळती आहे.

तंत्रज्ञानाच्या जोरावर हा चित्रपट अधिक प्रभावीपणे पडद्यावर दाखवण्याचा यावेळी डिझ्नेचा प्रयत्न असणार आहे. विशेष म्हणजे हॉलिवूडमधल्या अनेक बड्या कलाकरांनी या चित्रपटासाठी आवाज दिला आहे. ‘थॅक्सगिव्हिंग डे’च्या निमित्तानं याचा ट्रेलर प्रदर्शित करण्यात आला आहे.