अभिनेता रणबीर कपूर आणि दिग्दर्शक अभिनव कश्यप यांच्या ‘बेशरम’ चित्रपटाच्या पहिल्या ट्रेलरचे अनावरण पुढील आठवड्यात होणार आहे. या ट्रेलरचे अनावरण मल्टिप्लेक्समध्ये न करता एका अनाथालयात करण्याचा निर्णय निर्मात्यांनी घेतला आहे. एखाद्या चित्रपटाच्या ट्रेलरचे अनावरण अनाथालयात होण्याची ही पहिलीच वेळ असून, चित्रपटात रणबीर ‘पेप्सी’ नावाच्या एका अनाथ मुलाच्या भूमिकेत दिसणार आहे. अभिनव कश्यप दिग्दर्शित बेशरम चित्रपटात रणबीर कपूर आणि पल्लवी शरद यांच्या प्रमुख भूमिका असून, चित्रपटात रणबीरचे आई-वडिल ऋषी कपूर आणि नितू सिंग यांनीसुद्धा काम केले आहे.