देशातील आर्थिक मंदी लवकर दूर व्हावी हेच गणरायाकडे मागणं : सोनाली कुलकर्णी

“देशात सुरु असलेली आर्थिक मंदी लवकरात लवकर संपू दे आणि महाराष्ट्रातील जे पूरग्रस्त आहेत, त्या नागरिकांना सुख,समाधान आणि समृद्धी लाभू दे”, अशी प्रार्थना सोनालीने केली आहे.

पुढे ती म्हणते, “खरंतर सध्या जी नैसर्गिक आपत्ती ओढावत आहे. त्यासाठी आपणच कारणीभूत आहोत. आपल्याच चुका या साऱ्यासाठी जबाबदार आहेत. आतापर्यंत काय झालं याचा विचार करण्यापेक्षा या पुढे काय चांगलं करता येईल याकडे साऱ्यांनी लक्ष देण्याची गरज आहे”.

दरम्यान, सोनाली दरवर्षी पर्यावरणपूरक गणपती बाप्पाची मूर्ती तयार करत असते. सोनाली तिच्या घरीच शाडूच्या मातीची मूर्ती तयार करते आणि घरामध्येच त्याचं विसर्जन करते. यावेळी तिने बालगणेशाची मूर्ती साकारली असून बाप्पाच्या हातात वीणा असल्याचं दिसून येतं.