करोनाचं सावट संपूर्ण देशावर आणि जगावर आलं आणि त्याचा परिणाम सर्वच क्षेत्रांसोबत मनोरंजन क्षेत्रावर पण झाला. जवळपास तीन महिने मालिकेचे चित्रीकरण बंद होते. पण अनलॉकनंतर आता हळूहळू जनजीवन पूर्वपदावर येतंय.
यंदा गणेशोत्सवावरही करोनाच सावट आहे, तरी देखील गणेशोत्सवाचा उत्साह लोकांमध्ये कायम आहे. गणपती हा विघ्नहर्ता आहे, ६४ कलांचा अधिपती आहे. मग या गणेशोत्सवात मालिकेतील कलाकार मंडळी कशी मागे राहतील? ‘माझा होशील ना’, ‘तुझ्यात जीव रंगला’, ‘Mrs. मुख्यमंत्री’, आणि ‘चला हवा येऊ द्या’ या मालिकांच्या सेटवर पण सर्व नियम पाळून गणेशोत्सव साजरा झाला.
आणखी वाचा : रिया चक्रवर्ती आदित्य ठाकरेंना ओळखते का? वकिलांनी केला खुलासा
करोनाचं संकट देशातून आणि जगातून जाऊ दे आणि पुन्हा सर्व गोष्टी पूर्वीप्रमाणे सुरळीत होऊ दे अशी मागणी या सर्व कलाकार मंडळींनी गणरायाकडे केली आहे.
