20 वर्षांची असतानाच गौहर खानचा ‘या’ दिग्दर्शकासोबत झाला होता साखरपुडा!

18 वर्षांची असताना गौहर खानने मॉडलिंगला सुरुवात केली. कुशल टंडनला डेट करण्याआधी गौहर खान दिग्दर्शक साजिद खानच्या अफेरच्या मीडियामध्ये चर्चा होत्या. एवढचं नाही तर 2003 सालात दोघांनी साखरपुडा केल्याच्या बातम्या पसरु लागल्या होत्या. मात्र या दोघांनी लग्न केलं नाही. 18 वर्षांपूर्वी गौहर आणि साजिद एका सिरीयस रिलेशनशीपमध्ये होते. दोघांनी लग्नाचाही निर्णय घेतला होता. दोघांनी अगदी गुपचूप साखरपुडा उरकला होता. मात्र काही कारणांमुळे त्यांच्या नात्यात दुरावा आला आणि त्यांचं ब्रेकअप झालं. मात्र दोघांनी त्याच्या नात्याचा उघडपणे खुलासा केला नाही.

एका इंग्रजी वेबसाइटला दिलेल्या मुलाखतीत साजिद खानने गौहरचा नाव न घेता 2003 मध्ये आपला एका अशा मुलीशी साखरपुडा झाला होता जी आता लोकप्रिय आहे असं म्हंटलं होतं. तसतं तो म्हणाला, “मी तेव्हा इतका वाईट व्यक्ती नव्हतो. मी तिला फसवलं नाही. कदाचित ती मला कंटाळली असेल.” असं साजिद म्हणाला होता. याचवेळी मला फारसं बाहेर फिरणं किंवा पार्टी करणं आवडतं नसल्याचही तो म्हणाला होता. गौहर खान साजिदपेक्षा १२ वर्षांनी लहान आहे.

गौहर खानने २००९ सालात आलेल्या ‘रॉकेट सिंह: सेल्समन ऑफ द ईयर’ या सिनेमातून बॉलिवूडमध्ये पदार्पण केलं होतं. त्यानंतर २०११ मध्ये ती ‘ गेम’ या सिनेमात झळकली. त्याचसोबत इशकजादेमध्ये ती झळकली. २००७ मध्ये गौहरने बिग बॉसच्या सातव्या पर्वात भाग घेतला होता. याचवेळी अभिनेता कुशल टंडनसोबत तिचं नाव जोडलं गेल. मात्र कुशलसोबत लवकरच तिचं ब्रेकअप झालं.