मुख्यमंत्री उद्धव ठाकरे यांचं कौतुक करत गौहर खान, म्हणाली…

शिवसेना नेते एकनाथ शिंदे यांच्या बंडामुळे महाराष्ट्राच्या राजकारणाला वेगळेच वळण लागले आहे. मुख्यमंत्र्यांनी बुधवारी रात्री ‘वर्षा’ हा सरकारी बंगला सोडला व ते त्यांच्या ‘मातोश्री’ या खासगी निवासस्थानी परतले. उद्धव यांनी वर्षा बंगला सोडताना त्यांना निरोप देण्यासाठी हजारो शिवसैनिक बंगल्याबाहेर जमले होते. तर ‘वर्षा’वरून ‘मातोश्री’वर पोहोचणाऱ्या उद्धव यांच्या स्वागतासाठीही ‘मातोश्री’बाहेर शिवसैनिकांनी गर्दी केली होती. हे सगळं पाहिल्यानंतर सर्वसामान्य जनतेपासून सेलिब्रिटींपर्यंत अनेकांनी प्रतिक्रिया दिली आहे. या सगळ्यात अभिनेत्री गौहर खानने सोशल मीडियावर एक पोस्ट शेअर करत उद्धव ठाकरे यांचं कौतुक केले आहे.