Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

'पावसालाही आवडावी इतकी ती सुंदर होती..'

नागराज मंजुळे

सबंध महाराष्ट्राला याड लावणारे दिग्दर्शक नागराज मंजुळे यांचा आज वाढदिवस. ‘सैराट’नंतर दिग्दर्शक म्हणून जातीपातीच्या पलीकडे जाऊन चित्रपट करणारा असं त्याचं कौतुक झालं. त्यांचा जन्म २४ ऑगस्ट १९७७ रोजी झाला. ते उत्तम कविताही करतात. त्यांच्या ‘उन्हाच्या कटाविरुद्ध’ या कवितासंग्रहाला दमाणी साहित्य पुरस्कार मिळाला आहे. नागराज यांच्या वाढदिवसाचे औचित्य साधत त्याच्याच शब्दातून रचलेली ही खास काव्यमैफल तुमच्यासाठी:

१. ‘पावसालाही आवडावी
इतकी ती सुंदर होती..
म्हणूनच की काय
वेळी अवेळी
रस्त्याने येता जाता
पाऊस तिची वाट अडवायचा
पावसाला चुकवून
ती घर गाठायची
पाऊस मागं मागं जाऊन
तिच्या घराच्या खिडकीसमोर
कोसळत राहायचा
तासन् तास…!’

आणखी वाचा

Poetess Ushatai Mehta believed she only wrote poetry but discovered she also wrote prose

बहारदार शैलीचा कॅनव्हास

Nana Patole : निकालाआधी राजकीय घडामोडींना वेग; यातच…

Loksatta lokrang A collection of poems depicting the emotions of children

मुलांचं भावविश्व टिपणाऱ्या कविता

Loksatta padsad lokrang readers reaction on article

पडसाद : त्यांच्याविषयी कुतूहल

prarthana behere complete 7 year of marriage recalls her first meeting

पाच तास गप्पा, पॅनकेक अन् २ किलो बटर…; अरेंज मॅरेज पद्धतीने जमलेलं प्रार्थना बेहेरेचं लग्न; पहिल्या भेटीत नेमकं काय घडलेलं?

Marathi Actor Siddharth Chandekar Special Post share for amey wagh on his birthday

“जीभेवर व्हेज, मनात नॉनव्हेज…”, सिद्धार्थ चांदेकरने अमेय वाघला वाढदिवसाच्या दिल्या हटके शुभेच्छा; म्हणाला…

shivani rangole shares beautiful birthday wish post for kavita medhekar

“ताई तुझ्याकडून कायम…”, ऑनस्क्रीन सासूबाईंसाठी शिवानी रांगोळेची खास पोस्ट! कविता मेढेकर कमेंट करत म्हणाल्या…

२. माझ्या हाती
नसती लेखणी
तर
तर असती छिन्नी
सतार, बासरी
अथवा कुंचला
मी कशानेही उपसतच राहिलो असतो
हा अतोनात कोलाहल मनातला!

३. मित्र
आम्ही दोघे मित्र
एकमेकांचे जिवलग
एकच ध्येय एकच स्वप्न घेऊन जगणारे
पुढे त्याने आत्महत्या केली
आणि मी कविता लिहिली

४. ओवणी
ओठांत कुठवर चिरडाव्यात
अंतरीच्या हाका
कवितेच्या सुईने किती
घालावा टाका
जखम चिघळते
घातलेल्याच टाक्यातून
आकाश कोण ओवतं
सुईच्या नाकातून

५. मुके पैंजण
एकटेपणाचे हे जीवघेने तट…
तू आता भराभर ढासळून टाक
पुन्हा कधीच न बांधण्यासाठी
फाटलेल्या आभाळाला
टाके घालून सांधण्यासाठी
कारण मी आता माझ्याकडचा रस्ता
झाडून पुसून साफ केलाय
तुझ्या पायातल्या
मुक्या पैंजणाला
मुक्त गाणी गाण्यासाठी

First published on: 24-08-2018 at 01:31 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Happy birthday nagraj manjule five amazing poems by sairat director

Happy Birthday Nagraj Manjule : नागराजच्या लेखणीतून उतरलेल्या पाच उत्तम कविता

'पावसालाही आवडावी इतकी ती सुंदर होती..'