मालिकांमध्ये होलिकोत्सव

होळी हा रंगांचा सण वैविध्यपूर्ण व आकर्षक असून उत्साह आणि जल्लोषाचे प्रतीक आहे. एकीकडे पूर्वी कलाकार एकत्र येऊन धुळवड साजरी करत असत. हिंदीत आर. के. स्टुडिओ, महानायक अमिताभ बच्चन यांच्याकडची होळी पार्टी हिंदी चित्रपटसृष्टीत प्रचंड लोकप्रिय होती. काळाच्या ओघात आर. के. स्टुडिओच नामशेष झाला आहे. आता अनेक कारणांमुळे हिंदीतील होळी पार्टय़ांचे प्रमाण कमी झाले आहे. मराठीतही कलाकार एकत्र येऊन धुळवड साजरी करतात. मात्र आता तेही प्रमाण कमी झाले आहे. या सगळय़ात टिकून राहिली आहे ती हिंदी आणि मराठी मालिकांच्या सेटवरची होळी आणि धुळवड.  उत्साह आणि आनंदाचे प्रतीक असलेला हा होळीचा सण प्रत्येक कलाकार आपल्या सहकलाकारांसोबत मालिकेच्या सेटवर आनंदाने साजरा करताना दिसतात.