‘पायरेट्स ऑफ द कॅरेबियन’ फेम हॉलिवूड अभिनेता त्याच्या वैयक्तिक आयुष्यामुळे पुन्हा चर्चेत आला आहे. पूर्वाश्रमीची पत्नी अँबर हर्ड आणि त्याच्यातील मानहानी दाव्याच्या खटल्यामुळे त्याने संपूर्ण जगाचं लक्ष वेधून घेतलं होतं. आता जॉनी डेप पुन्हा प्रेमात पडल्याचं वृत्त आहे. विशेष म्हणजे एका खटल्यात कोर्टात जॉनी डेपची बाजू सांभाळलेल्या वकील तरूणीला तो डेट करत आहे.
जॉनी डेप डेट करत असलेल्या वकील तरूणीचं नाव जोएल रिच असं आहे. ती विवाहित असून तिला दोन मुले आहेत. जोएल रिच नवऱ्यापासून घटस्फोट घेऊन वेगळं होण्याच्या तयारीत आहे. जॉनी डेपच्या घटस्फोटाच्या खटल्यातील वकिलांच्या टीममध्ये जोएलचा सहभाग नव्हता. तर २०१८ साली ‘सन’ वृत्तपत्राच्या खटल्यात तिने जॉनी डेपची बाजू सांभाळली होती.
हेही वाचा >> ‘ब्रह्मास्र’साठी किती मानधन घेतले?, रणबीर कपूरने केला खुलासा, म्हणाला…
मीडिया रिपोर्टनुसार, या खटल्यादरम्यानच जॉनी डेप आणि जोएल रिच एकमेकांच्या जवळ आले. त्यांच्यात चांगली मैत्री असून ते बऱ्याच काळापासून एकमेकांना डेट करत आहेत. त्यांच्या नात्याच्याही ते गांभीर्याने विचार करत आहेत.
हेही पाहा >> Photos : ब्रालेट टॉप आणि साडीत अक्षयाच्या कातिल अदा; फोटो पाहून तुम्हीही म्हणाल ‘सुंदरा मनामध्ये भरली’
जॉनी डेपचं नाव सुरूवातीला कॅमिली वास्क्वेझ हिच्याशी जोडले गेले होते. पूर्वाश्रमीची पत्नी अँबर हर्ड आणि जॉनी डेप यांच्यातील मानहानी खटल्याची बाजू तिने सांभाळली होती. या खटल्याचा निकाल जॉनी डेपच्या बाजूने लागला होता. जॉनी डेपने मिळवलेल्या विजयात तिने महत्त्वपूर्ण भूमिका बजावली होती. मात्र, आपल्याबद्दल सुरु असलेल्या अफवांवर थेट स्पष्टीकरण देत, कॅमिलीने या चर्चांना पूर्णविराम दिला होता.
