लोकप्रिय कार्टून ‘बॉब द बिल्डर’ साऱ्यांनाच ठावूक असेल. आज जी तरुण मंडळी आहेत, त्यांच्यातील प्रत्येकाने लहानपणी हे कार्टून नक्कीच पाहिलं असेल. बॉब आणि त्याच्या मशीन्स, ट्रॅक्टर यांची उत्तमरित्या कथा या कार्टूनमध्ये मांडण्यात आल्यामुळे हे कार्टून आज अनेकांच्या मनात घर करुन आहे. मात्र या कार्टूनच्या चाहत्यांसाठी एक दु:खद बातमी आहे. कार्टूनमध्ये बॉब या कॅरेक्टरला आवाज देणाऱ्या विलियम डफ्रिस यांचं निधन झालं आहे. त्यामुळे बॉबचा खरा आवाज हरपला आहे.
‘बॉब द बिल्डर..करके दिखाएंगे..बॉब द बिल्डर. हा भाई हा..’ हे शब्द कानावर पडल्यानंतर लहान मुलांची पावलं आपोआप टिव्हीच्या दिशेने वळायची. या कार्टूनमधील मुख्य भूमिकेत असलेल्या बॉब या पात्राला विलियम डफ्रिस यांनी आवाज दिला होता. मात्र वयाच्या ६२ व्या वर्षी त्यांनी जगाचा निरोप घेतला. गेल्या कित्येक दिवसापासून डफ्रिस कर्करोगाने त्रस्त होते. अखेर याच कर्करोगामुळे त्यांचं निधन झालं. पॉकेट युनिव्हर्स प्रोडक्शन यांनी सोशल मीडियाच्या माध्यमातून डफ्रिस यांच्या निधनाची माहिती दिली.
We are heartbroken to announce that the co-founder of @pocketplot and the director of “EC Comics Presents… The Vault of Horror”, William Dufris, has died from cancer.
There is a hole in a lot of people’s hearts right now. We will have more to say later.
Bless you, Bill. pic.twitter.com/QHrZ69i6ti
— Pocket Universe Productions (@PocketPlot) March 24, 2020