ऋषि आणि नीतू कपूर यांच्या प्रेमकहाणीचे गुपीत

मला आठवते त्यावेळी माझे माझ्या प्रेयसीसोबत भांडण झालं होतं. मी भरपूर दु:खी होतो. तिला पुन्हा मिळविण्यासाठी माझे प्रयत्न सुरू होते. त्यावेळी नीतू मला माझ्या प्रेयसीला पत्र लिहीण्यासाठी मदत देखील करत होती. तेव्हा मी आणि नीतू  ‘जेहरीला इन्सान’ चित्रपटाच्या चित्रीकरणाच्या निमित्ताने एकत्र होतो. पण, नंतर जस जसा वेळ पुढे गेला मी नीतूला मिस करत असल्याची जाणीव होऊ लागली. युरोपमध्ये चित्रीकरणात व्यस्त असताना नीतूच्या आठवणीने मी तिला तेथून पत्र लिहीले. ‘मला तूझी आठवण येतेय’ एवढंच पत्रात लिहीलं होतं आणि या पत्रापासूनच आमच्या प्रेमकहाणीचा पहिला अध्याय सुरू झाला, असं ऋषि कपूर यांनी खेर यांच्या ‘दी अनुपम खेर शो- कुछ भी हो सकता है’ या कार्यक्रमात सांगितलं. हा कार्यक्रम येत्या रविवारी प्रदर्शित होणार आहे.