‘गॅंग ऑफ वासेपूर’ फेम गर्ल हुमा कुरेशी ‘सुजाता’ लघुपटात मेकअपशिवाय व्यक्तिरेखा साकारताना सुरुवातीला काहीशी साशंक होती. ‘सुजाता’ हा लघुपट अनुराग कश्यपच्या ‘शॉर्टस्’ या लघुपटांच्या मालिकेतील एक असून, श्लोक शर्माने याचे दिग्दर्शन केले. कथानकाच्या गरजेनुसार हुमाने ही व्यक्तिरेखा मेकअपशिवाय सादर करणे आवश्यक होते. सुरवातीला साशंक असलेल्या हुमाने शेवटी मेकअपशिवाय भूमिका करण्याचा निर्णय घेतला. आपण मेकअपशिवाय पडद्यावर केसे दिसू, हे जाणून घ्यायची आता तिला उत्सुकता लागली आहे. दहा मिनिटाच्या या लघुपटाची कथा एन्नी जैदी यांनी लिहिली आहे. लहानपणी आपल्यावर अत्याचार करणा-यांविरोधात उभी राहणा-या तरूणीची ही कथा आहे. लॉस एंजिलिसमधील दहाव्या भारतीय चित्रपट महोत्सवात या लघुपटाच्या प्रदर्शनाला चांगला प्रतिसाद मिळाला. हा चित्रपट १२ जुलैला प्रदर्शित होत आहे.
