चित्रीकरणावेळी सल्ल्याच्या बदल्यात अपशब्द ऐकून घ्यावे लागले- कंगना राणावत

एक अभिनेत्री म्हणून जेव्हा मी माझ्या चित्रपटासाठीचे डायलॉग्स, स्क्रिन प्ले आणि इतर काही गोष्टी सूचवण्याचा प्रयत्न सुरू केला, पण माझ्या सल्ल्यांपेक्षा चित्रपटातील अभिनेत्याने दिलेले सल्ले सकारात्मक पद्धतीने घेतले जायचे. अभिनेत्रीने दिलेल्या सल्ल्याला काहीच महत्त्व नव्हते. एकदा तर सल्ला दिल्याबद्दल अपशब्द देखील मी ऐकले आहेत, असे कंगनाने सांगितले.

दरम्यान, राष्ट्रीय पुरस्कार विजेती कंगना सध्या दिग्दर्शक विशाल भारद्वाजच्या ‘रंगून’ चित्रपटाच्या चित्रीकरणात व्यस्त आहे. या चित्रपटात कंगनासोबत अभिनेता शाहिद कपूर आणि सैफ अली खान दिसणार आहे. तसेच दिग्दर्शक शेखर कपूरने त्याच्या आगामी चित्रपटासाठी ८५ वर्षीय वृद्ध महिलेच्या भूमिकेसाठीही कंगनाला विचारणा केली आहे.