IC 814 – The Kandahar Hijack : “भोला तापट, तर शंकर कमांडो…”, कसे होते कंदहार विमानाचे अपहरणकर्ते? अडकलेल्या प्रवाशाने सांगितला अनुभव

इब्राहिम अथर, सनी अहमद काझी, झहूर इब्राहिम, शाहिद अख्तर आणि सय्यद शाकीर या पाच दहशतवाद्यांनी या विमानाचं अपहरण केलं होतं. त्यांनी विमानातील प्रवासी व क्रू सदस्यांना आठ दिवस ओलिस ठेवलं होतं. विमानातील प्रवाशांना मुक्त करण्याच्या बदल्यात अपहरणकर्त्यांनी भारत सरकारकडे दहशतवादी मसूद अझहर, उमर शेख आणि मुश्ताक अहमद जरगर या तीन दहशतवाद्यांची तुरुंगातून सुटका करण्याची मागणी केली होती. प्रवासी व विमानाच्या बदल्यात तत्कालीन परराष्ट्र व्यवहार मंत्री जसवंत सिंह हे त्या दहशतवाद्यांना विशेष विमानाने कंदहारला घेऊन गेले. तिथे ओलिस ठेवलेले प्रवासी व क्रू आणि अतिरेकी यांच्यामध्ये देवाणघेवाण झाली.

आणखी वाचा

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

१८ नोव्हेंबर पंचांग: संकष्टी चतुर्थी १२ पैकी कोणत्या…

Eknath Shinde : मुख्यमंत्री शिंदेंचा हिना गावितांना अप्रत्यक्ष इशारा; म्हणाले, “बंडखोरी…”

“मी तिच्या अंगावर पडलो अन् नीलमने…”, अभिनेत्याने सांगितला ‘हम साथ साथ है’च्या शूटिंगचा किस्सा; म्हणाला, “त्यानंतर सलमानने…”

पुणे : कोयता बाळगणाऱ्या तडीपार गुंडाला पकडले

‘इश्क’च्या शूटिंगवेळी चिपांझीने केलेला हल्ला; ‘वाचवा, वाचवा’ म्हणत आमिर खान ओरडला अन् अजय देवगणने धावत्या कारमधून…

‘सिंघम अगेन’च्या दमदार स्टारकास्टवर एकटा कार्तिक आर्यन पडला भारी! ‘भुलै भुलैया ३’ने नवव्या दिवशी कमावले तब्बल…

Ashok Pawar : आमदार अशोक पवार यांच्या मुलाचं अपहरण करून मारहाण केल्याचा गंभीर आरोप; राजकारणात खळबळ

अपहरणकर्त्या दहशतवाद्यांकडून कोडनेमचा वापर

अपरहणकर्त्यांनी हा कटादरम्यान एकमेकांसाठी विशिष्ट नावं (कोडनेम) वापरली होती. ते एकमेकांना बर्गर, डॉक्टर, चीफ, भोला व शंकर या नावांनी हाक मारायचे. दिग्दर्शक अनुभव सिन्हा यांनी त्यांच्या वेबसिरीजमध्ये हीच नावं वापरली. मात्र काही लोकांनी व हिंदुत्त्ववादी संघटनांनी यावर आक्षेप घेतला आहे.

हे ही वाचा >> ‘ही’ लोकप्रिय मराठी अभिनेत्री ज्युनियर एनटीआर व जान्हवी कपूरच्या ‘देवरा’ चित्रपटात झळकणार, फोटो केले शेअर

या विमानातील एक प्रवासी कोल्लाट्टू रविकुमार यांनी २००० साली रेडिफवर विमान अपहरणाच्या घटनेची माहिती दिली होती. त्यातही त्यांनी सांगितलं होतं की, “अपहरणकर्त्यांपैकी दोघांना भोला व शंकर या नावांनी हाक मारत होते”. रवीकुमार यांनी म्हटलं होतं की “अपहरणकर्त्यांच्या टोळीचा म्होरक्या उंचपुरा होता, जो नेहमी विमानाच्या कॉकपिटमध्ये असायचा. त्याचं वय ४० वर्षांच्या आसपास असावं. तसेच इतर चौघांची नावं बर्गर, डॉक्टर, भोला व शंकर अशी होती”.

हे ही वाचा >> The Buckingham Murders : लहान मुलाचा खून अन् ५ संशयित! खऱ्या आरोपीला कसं शोधणार करीना कपूर? पाहा ट्रेलर

प्रवाशाने सांगितला अनुभव

रवीकुमार यांनी म्हटलं आहे की “भोला नेहमी संतापलेला असायचा. तर शंकर एखाद्या कमांडोसारखा होता. परंतु, त्यांच्यापैकी डॉक्टर हा स्वभावाने चांगला व शांत होता. तसेच बर्गरने आमची माफी मागितली होती. तो विमानातून निघताना आम्हाला म्हणाला, ‘आम्हाला माफ करा, आमच्यामुळे तुम्ही इथे अडकलेले आहात. आमचा तुमच्यावर कोणताही वैयक्तिक राग नाही. आम्ही आमचं काम करतोय’. कंदहारमध्ये भारत सरकार आणि अपहरणकर्त्यांमध्ये ज्या वाटाघाटी चालू होत्या, त्याची माहिती आम्हाला भोला आणि बर्गरकडून मिळायची. ते आम्हाला बऱ्याच गोष्टी सांगायचे. भारत सरकारला आम्हाला वाचवण्यात अजिबात रस नसल्याचं ते दोघे सांगायचे”.