‘ब्रह्मास्त्र’मध्ये दीपिका पदुकोण साकारतेय रणबीरच्या आईची भूमिका? फोटो व्हायरल

‘ब्रह्मास्त्र’ पाहिल्यानंतर प्रेक्षकांनी सोशल मीडियावर त्याचे स्पॉयलर शेअर करण्यास सुरुवात केली आहे. ‘ब्रह्मास्त्र’मध्ये दीपिका पदुकोणचीही भूमिका असल्याचा दावा चाहते करत आहेत. दीपिका पदुकोणचीही ‘ब्रह्मास्त्र’मध्ये खूप खास भूमिका आहे असा दावा प्रेक्षक करत आहेत. युजर्सचे म्हणणे आहे की दीपिकाने तिचा एक्स बॉयफ्रेंड रणबीर कपूरच्या आईची भूमिका साकारली आहे.
आणखी वाचा- ‘ब्रह्मास्त्र’मुळे PVR ला ८०० कोटींचं नुकसान? विवेक अग्निहोत्री म्हणाले “चुकीच्या गोष्टी…”

‘ब्रह्मास्त्र’मध्ये रणबीर कपूर शिवाच्या भूमिकेत आहे, ज्याने लहानपणीच आपले आई-वडील गमावले होते. शिवा १ वर्षाचा असताना त्याची आई आगीत होरपळून मेलेली असते. शिवाच्या आईचा पूर्ण चेहरा चित्रपटात दाखवण्यात आलेला नाही पण ती दुसरी कोणी नसून दीपिका पदुकोण असल्याचे युजर्सचे म्हणणे आहे. युजर्स आता या सीनचे अनेक फोटोही सोशल मीडियावर शेअर करत आहे.

आणखी वाचा-सारा अली खानशी डेटिंगच्या चर्चांवर शुबमन गिलच्या मित्राचा मोठा खुलासा, म्हणाला…

एका युजरने दीपिकासारखा चेहरा असलेला फोटो शेअर केला आहे. चाहत्याने सांगितले की दीपिका काही सेकंदांसाठी ‘ब्रह्मास्त्र’मध्ये दिसत आहे. तिच्या पात्राचे नाव अमृता आहे. अशा प्रकारे अनेक युजर्सनी हे फोटो शेअर केले आहेत. काही चाहत्यांनी असेही सांगितले की ते आता नक्कीच ‘ब्रह्मास्त्र’ पाहतील कारण त्यांची आवडती दीपिकाही या चित्रपटात आहे. तर काही युजर्सना मात्र दीपिकाला चित्रपटात दिसलेली नाही.