आलिया भट आणि अर्जुन कपूर लवकरच बंधनात अडकणार!

बॉलिवुडमध्ये चित्रपटांच्या प्रसिद्धीसाठी काही तरी निराळी पद्धत वापरण्याचा प्रकार आता काही प्रेक्षकांसाठी नवीन राहिलेला नाही. आलिया भट आणि अर्जुन कपूरच्या आगामी ‘टु स्टेटस’ या चित्रपटाची प्रसिद्धी अशाच अनोख्या पद्धतीने केली जात आहे. आलिया भट आणि अर्जुन कपूर यांच्यातील प्रेमसंबंध हा आतापर्यंत सगळ्यांच्याच चर्चेचा विषय राहिलेला आहे. ‘टु स्टेटस’ चित्रपटाच्या प्रसिद्धीसाठी या दोघांनी ट्विटरवरून आपण लवकरच एकत्र बंधनात अडकणार असल्याचे जाहीर केले आहे. या सोहळ्याला उपस्थित राहण्यासाठी आलिया आणि अर्जुनने ट्विटर, फेसबुकसारख्या सोशल साईटसवरील चाहत्यांना निमंत्रण दिले आहे.