… म्हणून जॅकी चॅनला वाटते या गोष्टीची खंत

१९६० च्या दशकात ‘तोशिरो मिफ्यून’, ‘ब्रूस ली’, ‘सामो हंग’ या अ‍ॅक्शन अभिनेत्यांच्या पावलांवर पाऊल ठेवत त्याने चिनी सिनेसृष्टीत प्रवेश केला. विनोदी अभिनय शैली आणि अ‍ॅक्शन हिरो म्हणून सुरू झालेला त्याचा प्रवास ‘किंग ऑफ कॉमेडी’, ‘सिटी हंटर’, ‘क्राइम स्टोरी’, ‘ड्रंकन मास्टर’, ‘पोलीस स्टोरी’ सारख्या तब्बल १३० पेक्षा जास्त चित्रपटांत काम केल्यानंतरही त्याच वेगात सुरू आहे. आज फक्त चीनमध्येच नाही तर संपूर्ण जगात जॅकी लोकप्रिय कलाकार म्हणून ओळखला जातो. परंतु वयाबरोबर त्याच्या शरीरातील वेग मंदावत गेला आणि एकेकाळी गाडय़ांवरून उडय़ा मारणे, इमारतींवर लटकणे, कुंग फू-कराटे फाइट यामुळे लोकप्रियता मिळवणाऱ्या जॅकीने अलीकडे ‘द कराटे किड’ ‘द फॉरेनर’, ‘नामिया’ अशा गंभीर प्रकारच्या चित्रपटांमधून काम करण्यास सुरवात केली.

आणखी वाचा

तृतीयपंथी मराठी अभिनेत्री अडकली विवाहबंधनात, लग्नाचे फोटो शेअर करत म्हणाली, “गणपती बाप्पाच्या आशीर्वादाने…”

Malasian Airlines: बेपत्ता MH370 चा शोध; पुण्यातील प्रल्हाद…

मराठी चित्रपटांनी कमाईचे आकडे दाखवणे किती गरजेचे? ‘मुंज्या’चा मराठमोळा दिग्दर्शक म्हणाला, “वाईट सिनेमांचे…”

Video: रमाच्या आईला ओळखण्यात माही चूक करणार अन्…; अक्षय सत्य शोधून काढणार? ‘मुरांबा’ मालिकेचा प्रोमो प्रेक्षकांच्या भेटीला

Video: ‘प्रेमाची गोष्ट’ मालिकेतील नव्या मुक्ताचं ‘हे’ कौशल्य पाहून चकित व्हाल, ‘स्टार प्रवाह’च्या अभिनेत्यांचीही झाली हालत खराब

‘थांडेल’ चित्रपटाच्या ट्रेलर लाँच सोहळ्यात नागा चैतन्यला आली पत्नी सोभिताची आठवण; म्हणाला…

तब्बल ३० किसिंग सीन, बोल्ड दृश्यांचा भडीमार असलेला फ्लॉप बॉलीवूड चित्रपट, कमावलेले फक्त…

Video: “ही रमाच आहे की…”, माहीच्या ‘त्या’ कृतीमुळे अक्षयला येणार संशय; ‘मुरांबा’ मालिकेत ट्विस्ट

आपल्या हालचालींनी अवाक करणारा जॅकी आता शांत व्यक्तिरेखा साकारतोय हे त्याच्या चाहत्यांना फारसे रुचत नाही. कारण त्यांना आजही जॅकीला त्याच्या जुन्याच अवतारात पाहायचे आहे. त्याच्या मते कारकिर्दीच्या सुरुवातीच्या काळात त्याने मिळतील ते चित्रपट केले. पण जसजसा तो मोठा कलाकार म्हणून नावारूपाला आला तसतसा त्याने आपल्या अभिनय शैलीत काही प्रयोग करून पाहणे गरजेचे होते. त्यावेळी संधी असूनही त्याने फार काही वेगळे केले नाही. याचा परिणाम त्याच्या कारकिर्दीवर झाला नसला तरी देखील एक परिपूर्ण कलाकार म्हणून नावारूपाला येण्याची संधी त्याने गमावली याची खंत त्याच्या मनात आहे. पण चाहत्यांसाठी शेवटच्या चित्रपटापर्यंत अ‍ॅक्शन दृश्ये करण्याची मात्र त्याची तयारी आहे.