जॅकलिन सांगतेय ‘योग’साधनेचं महत्त्व ..

जॅकलिन म्हणाली की, “योगाचा माझ्यावर खूप प्रभाव आहे. योगामुळे शरीराला लवचिकता प्राप्त होते. ताकदही मिळते. योगामुळे मला शारीरिक स्वास्थ्यासंबंधीच्या अनेक गोष्टींची जाणीव झाली. फक्त शारीरिकच नाही तर,योगसाधना मनाशी सुद्धा निगडित आहे.” जॅकलिन पुढे असंही म्हणाली की, “भारतात आल्यानंतर मी सगळ्यात आधी योग करायला सुरुवात केली. मी कार्टर रोडला जाऊन एका ग्रुपमध्ये योगाचा सराव करायचे. ही १० वर्षांपूर्वीची गोष्ट आहे. मी नियमित योग करत नसले तरीही, मी मानसिक शांततेसाठी योग करते.” योगाचे फायदे सांगताना ती म्हणाली की, “योगाचा प्रवास खूप समाधानकारक आहे. एक व्यायाम म्हणून या गोष्टीकडे बघू नका. योग ही एक साधना आहे व त्यासाठी संयम बाळगणे महत्त्वाचे आहे.”

जॅकलिन लवकरच एका नेटफ्लिक्स ओरिजनल चित्रपटात काम करणार आहे. तसेच या चित्रपटाच्या तयारीमध्ये व्यग्र आहे.