साखरपुडा मोडून १७ वर्ष झाली, तरी ‘ही’ अभिनेत्री घालते तिच अंगठी

हॅरी विन्सटनची ६.१ कॅरेटची पिंक सोलिटेयर कस्टम मेड अंगठी देत बेनने जेनिफरला प्रपोज केलं होतं. त्यानंतर बेन आणि जेनिफर यांचा २००२ मध्ये साखरपुडा झाला होता. मात्र, त्यानंतर एका वर्षातच म्हणजेच २००३ मध्ये त्या दोघांचा ब्रेकअप झाला. आता, अॅलेक्ससोबत ब्रेकअप झाल्यानंतर बेन आणि जेनिफर एकत्र आल्याने चाहत्यांच्या मनात अनेक प्रश्न निर्माण झाले आहे. कारण हे दोघं जवळपास १७ वर्षांनी पुन्हा एकदा एकत्र येतील अशी आशा त्यांच्या चाहत्यांना नव्हती.

जेनिफरकडे बेन अफ्लेकने दिलेली अंगठी अजूनही आहे. जेनिफरच्या जवळच्या व्यक्तीने सांगितले की, तिच्याकडे अजूनही हॅरी विन्सटनची ६.१ कॅरेटची हिऱ्याची अंगठी आहे, जी बेनने तिला दिली होती. या अंगठीची मूळ किंमत १२ लाख डॉलर एवढी आहे. साखरपुडा मोडल्यानंतरही जेनिफरने ही अंगठी परत केली नव्हती, असे वृत्त फॉक्स न्यूजने प्रसिद्ध केल्याने वृत्त एका मीडिया रिपोर्टने दिले आहे.

आणखी वाचा : करोनामुळे काम मिळतं नसल्याने आर्थिक अडचणीचा सामना करावा लागतो – हिमानी शिवपुरी

जेनिफरचे माजी पीआर रॉब शटर यांनी सांगितल्यानुसार, जेनिफरने ती अंगठी कधीच परत केली नाही. आणि जर त्या दोघांमध्ये सगळ्या गोष्टी ठिक झाल्या तर ते पुन्हा एकदा एकत्र येऊ शकतात. दरम्यान, जेनिफरकडे आधीपासूनच बेनने दिलेली अंगठी आहे. जेनिफर आणि बेनची पहिली भेट २००२ मध्ये ‘गिगली’ या चित्रपटाच्या शूटिंग दरम्यान झाली होती.