‘रॉकी हॅण्डसम’ चित्रपटाचे पोस्टर प्रकाशित

सुनील शेट्टी, अक्षयकुमार, सलमान खान, आमिर खान, शाहरुख खान आदी मंडळींनी ‘पॅक्स’च्या प्रकारातून पडद्यावर आपली शरीरयष्टी दाखविली होती. अभिनेत्यांची पीळदार शरीरयष्टी प्रेक्षकांना दाखविणे हा जणू हिंदी चित्रपटातील आता नियमित कल झाला आहे.

जॉन अब्राहमचे आगामी चित्रपटातील पोस्टरही असेच आहे. या पोस्टरमध्येही जॉन अब्राहम याने आपला संपूर्ण ‘लूक’ दाखविणे टाळले आहे. यात तो पाठमोरा दाखविला असून पीळदार शरीरयष्टीच्या जॉनच्या दोन्ही हातात चाकू दाखविण्यात आले आहेत. चित्रपटाच्या पोस्टरवरून हा चित्रपट पूर्णपणे ‘अ‍ॅक्शनपट’ असणार आहे हे काही वेगळे सांगण्याची आवश्यकता नाही. मराठमोळ्या निशिकांत कामत याने या चित्रपटाचे दिग्दर्शन केले आहे. जॉन अब्राहम चित्रपटाचा सहनिर्माता असून हा चित्रपट येत्या २५ मार्च रोजी प्रदर्शित होणार आहे.