“कमाल आर. खानला अनफॉलो करा”; दिग्दर्शकाची अमिताभ बच्चन यांना विनंती

कमाल खान सध्या सुशांत सिंह राजपुतच्या निमित्ताने बॉलिवूडमधील अनेक सेलिब्रिटींवर घराणेशाहीचे आरोप करत आहे. मात्र कधीकाळी त्याने देखील सुशांतवर यथेच्च टीका केली होती. त्याला फ्लॉप अभिनेता म्हणून चिडवलं होतं. कमालच्या या आक्षेपार्ह ट्विट्सचे स्क्रीनशॉट पोस्ट करुन हंसल मेहता यांनी त्याची पोलखोल केली आहे. तसेच बिग बींना त्याला अनफॉलो करण्याची विनंती केली आहे.

हंसल मेहता यांचे हे ट्विट सध्या सोशल मीडियावर सर्वांचेच लक्ष वेधून घेत आहे. कमाल खान उर्फ केआरके आरोपांवर जोरदार प्रत्युत्तर देण्यासाठी प्रसिद्ध आहे. या पार्श्वभूमीवर तो हंसल मेहतांच्या आरोपांवर काय प्रतिक्रिया देतो याकडे आता नेटकऱ्यांचं लक्ष लागले आहे.