बॉलिवूड अभिनेत्री कंगना रणौत ही कायमच चर्चेत असते. कंगना रणौतचा बहुचर्चित ‘लॉकअप’ हा रिअलिटी शो नुकतंच सुरु झाला आहे. या शोमध्ये सिनेसृष्टीतील अनेक व्यक्ती सहभागी झाले आहे. अवघ्या तीन दिवसांपूर्वी ओटीटीवर प्रदर्शित झालेला कंगना रणौतच्या या शो ने नवा विक्रम केला आहे. एमएक्स प्लेअर आणि ऑल्ट बालाजी यांनी याबाबतची अधिकृत माहिती दिली आहे.
एमएक्स प्लेअर आणि ऑल्ट बालाजी यांनी इन्स्टाग्रामवर याबाबत एक पोस्ट शेअर केली आहे. यात निर्मात्यांनी लॉकअप या रिअॅलिटी शो चे एक पोस्टर शेअर केले आहे. यात कंगना रणौत दिसत आहे. यासोबत या कार्यक्रमात सहभागी झालेले स्पर्धकही यावेळी पाहायला मिळत आहे. यावेळी या पोस्टवर त्यांनी या नव्या विक्रमासंबंधित पोस्ट शेअर केली आहे. गेल्या ४८ तासांत लॉकअपला १५ मिलियन व्ह्यूज मिळाले आहेत. त्यामुळे या शो ने नवा विक्रम केला आहे.
“एका हातात लाटणं, दुसऱ्या हातात डब्बा…”; शिल्पा शेट्टीच्या आगामी चित्रपटाचे पोस्टर पाहिलंत का?
कंगनाच्या ‘लॉकअप’ या शोमध्ये ती टीव्ही क्वीन एकता कपूरसोबत दिसणार आहे. या शोमध्ये १६ स्पर्धक हे ७२ दिवसांसाठी लॉकअपमध्ये बंद राहणार आहेत. या शोमध्ये बबिता फोगट, पूनम पांडे, निशा रावल, मुनव्वर फारुकी आणि करणवीर बोहरा, सारा खान, तहसीन पूनावाला, शिवम शर्मा, अंजली अरोरा, सायेशा शिंदे, पायल रोहतगी आणि सिद्धार्थ शर्मा आणि स्वामी चक्रपाणी आहेत. हा शो २७ फेब्रुवारीपासून सुरु होणार आहे. हा शो एमएक्स प्लेअर आणि ऑल्ट बालाजी या ओटीटी प्लॅटफॉर्मवर प्रदर्शित होत आहे.
