“आम्ही वाटलेली तिकीटं दारूसाठी…” ‘कांतारा’ स्टार रिषभ शेट्टीने सांगितली स्ट्रगलच्या काळातील ‘ती’ आठवण

ऋषभ आणि रक्षित यांनी कारकिर्दीच्या सुरुवातीला क्लॅप बॉय आणि सहाय्यक दिग्दर्शक म्हणून काम केले होते तेव्हा त्यांची मैत्री झाली. २०१६ मध्ये ऋषभने रिकीसोबत दिग्दर्शनात पदार्पण केले, ज्यामध्ये रक्षित मुख्य भूमिकेत होता. हा चित्रपट बॉक्स ऑफिसवर अपयशी ठरला. सिद्धार्थ कननला दिलेल्या मुलाखतीमध्ये रिषभने त्याच्या आणि रक्षितच्या मैत्रीबद्दल खुलासा केला. आमच्या दोघांच्या करियरची सुरुवात काही खास झाली नसली तरी तेव्हापासून आम्ही एकमेकांचे चांगले मित्र आहोत असं रिषभ म्हणाला.

एक काळ असा होता जेव्हा रिषभ आणि रक्षित दोघे लोकांना तिकिटे विकण्यासाठी थिएटरच्या बाहेर उभे राहायचे. ही आठवण सांगताना रिषभ म्हणतो, “आम्ही आमचा चित्रपट दाखवण्यासाठी थिएटरच्या बाहेर उभे राहायचो आणि लोकांना तिकीट देऊन तो पाहण्यासाठी विनंती करायचो. पण लोक आमची तिकीटं केवळ दारूसाठी १० रुपयांना विकत असत. या काळातसुद्धा आम्ही खचलो नाही, मेहनत करत होतो.आता, आमच्या कामाचे लोकांकडून कौतुक होत आहे आणि सर्वजण पाठिंबा देत आहेत.”

आणखी वाचा : सलमान, अक्षय, अनुपम खेर यांच्या सुरक्षेत वाढ; कुणाला मिळाली ‘Y+’ आणि ‘X’ सिक्युरिटी? जाणून घ्या

‘कांतारा’ कन्नडमध्ये ३० सप्टेंबर रोजी प्रदर्शित झाला. ३१ ऑक्टोबरपर्यंत, चित्रपटाने जगभरात २५० कोटींची कमाई केली आहे. रक्षितचा ‘७७७ चार्ली’ जूनमध्ये प्रसिद्ध झाले. या चित्रपटाने जगभरात सुमारे १०३ कोटी रुपयांची कमाई केली. हे दोन्ही चित्रपट आजवरच्या सर्वाधिक कमाई करणाऱ्या कन्नड चित्रपटांच्या यादीत आहेत.