Grammy Awards 2025: ‘ग्रॅमी पुरस्कार’ सोहळ्याच्या रेड कार्पेटवर प्रसिद्ध रॅपरची पत्नी झाली नग्न, व्हिडीओ अन् फोटो झाले व्हायरल

मॉडेलिंगच्या दुनियेत बियांका सेंसरी हे खूप मोठं नाव आहे. पती आणि अमेरिकन रॅपर कान्ये वेस्टसह ती ‘ग्रॅमी पुरस्कार २०२५’ सोहळ्याला पोहोचली होती. याच वेळी बियांकाने आपल्या नग्न लूकने सगळ्यांना हैराण करून टाकलं.

‘ग्रॅमी पुरस्कार’ सोहळ्याच्या रेड कार्पेटवरील कान्ये वेस्ट आणि बियांका सेंसरीचा व्हिडीओ सध्या खूप चर्चेत आला आहे. या व्हिडीओमध्ये बियांका कान्येबरोबर रेड कार्पेटवर वॉक करत पापाराझींसमोर येते. यावेळी तिने काळ्या रंगाचं लॉन्ग जॅकेट घातलेलं पाहायला मिळत आहे. पण, जशी बियांका पोज द्यायला तयार होते तसं ती काळ्या रंगाचं जॅकेट उतरवते आणि नग्न लूकमध्ये पोज देते. यावेळी तिने ट्रान्सपरंट कपडे घातलेले दिसत आहेत. पण, बियांकाचा हा लूक पाहून सर्वजण थक्क झाले.

बियांकाच्या या लूकमुळे तिला आणि कान्ये वेस्टला ‘ग्रॅमी पुरस्कार’ सोहळ्यात येऊ दिलं नाही, असं म्हटलं जात आहे. सुरक्षा रक्षकाने बियांका आणि कान्येला रेड कार्पेटवरूनच बाहेरचा रस्ता दाखवला. ‘टेलीचक्कर’च्या माहितीनुसार, कान्ये आणि बियांकाला ‘ग्रॅमी पुरस्कार २०२५’ सोहळ्याचं आमंत्रण दिलं गेलं नव्हतं. त्यामुळे त्यांना एन्ट्री दिली गेली नाही.

दरम्यान, ऑस्ट्रेलियन मॉडेल बियांकाने २०२२मध्ये रॅपर कान्ये वेस्टबरोबर लग्न केलं होते. ३० वर्षांची बियांका बोल्ड लूकमुळे अनेकांदा चर्चेत आली आहे.