हिंमत असेल तर ये.. कपिल शर्माचे अक्षयला चॅलेंज

कपिलने त्याच्या इन्स्टाग्राम अकाऊंटवर एक व्हिडीओ शेअर केला आहे. या व्हिडीओमध्ये कपिल शर्मा आणि त्याची संपूर्ण टीम भारती सिंह, कृष्णा अभिषेक, कीकू शारदा आणि चंदन प्रभाकर देखील दिसत आहे. व्हिडीओमध्ये कपिल ‘शूभ सकाळ मित्रांनो आता सकाळचे तीन वाजले आहेत. अक्षय तुला आमचे चॅलेंज आहे.. तु गेल्या वेळेस आम्हाला सहा वाजता उठवले होते. आता आम्ही ३ वाजता उठवतो आहोत. हिम्मत असेल तर ४ वाजता शूटसाठी ये. आम्ही जागे आहोत’ असे कपिल म्हणाला आहे.

काही दिवसांपूर्वी ‘हाऊसफूल ४’ चित्रपटाच्या प्रमोशनसाठी अक्षय कुमार कपिल शर्माच्या ‘द कपिल शर्मा’ शोमध्ये पोहोचला होता. दरम्यान चित्रपटाची संपूर्ण टीम त्याच्यासोबत होती. पण या भागाच्या चित्रीकरणासाठी कपिल शर्मा आणि त्याच्या संपूर्ण टीमला सकाळी ४ वाजता उठून चित्रीकरणची तयारी करावी लागली होती. इतकच नव्हे तर अभिनेता रितेश देशमुख आणि बॉबी देओलने सकाळी लवकर उठल्याचा व्हिडीओ पोस्ट केला होता.