“हे काही अफगाणिस्तान नाही…” सिद्धू मूसेवाला यांच्या हत्येनंतर करण कुंद्राची संतप्त प्रतिक्रिया

सिद्धू मूसेवाला प्रकरणावर प्रतिक्रिया देताना करण कुंद्रानं संताप व्यक्त केला आहे. तो म्हणाला, “हे अजिबात चांगलं झालेलं नाही. पण मला सर्वात वाईट गोष्ट ही वाटते की या सर्व गोष्टी भर दिवसा घडतात आणि तेही पंजाबमध्ये. दुःखद हे आहे की एका आई आपल्या मुलाला गमावलं आहे. सिद्धूचा जो व्हिडीओ सोशल मीडियावर व्हायरल होत आहे तो हृदयद्रावक आहे. पंजाबमध्ये अशा गोष्टी घडतायत. अशाप्रकारे गोळ्या चालवल्या जात आहेत. आपल्या देशात अशी बंदूक देण्याची परवानगी नाही. माफ करा पण हे अफगाणिस्तान नाहीये की तुम्ही भरदिवसा अशाप्रकारे उठून बंदूका घेऊन फिराल.”

याशिवाय करणनं सोशल मीडियावर देखील एक ट्वीट केलं आहे. आपल्या ट्विटरवर त्याने लिहिलं, “पंजाबमधून खूप वाईट वृत्त समोर आलं आहे. हे अजिबात चांगलं नाही. सिद्धू मूसेवाला हे एक लिजेंड होते. मी दुःखी आहे आणि मला रागही येतोय.” याशिवाय शहनाज गिल, सलमान खान, संजय दत्त, कपिल शर्मा, जास्मिन भसीन, मीका सिंग, सलीम मर्चेंट यांनी देखील या प्रकरणावर आपली प्रतिक्रिया दिली आहे.