करिनाच्या ‘बेबो’ नावाचा येणार आंतरराष्ट्रीय डेनिम ब्रॅण्ड

बॉलीवूड अभिनेत्री करीना कपूर तिच्या अभिनयाबरोबर स्टाइलसाठी नावाजली जाते. एका आंतरराष्ट्रीय कोचर ब्रॅण्डने करिनाच्या ‘बेबो’ नावाने डेनिम ब्रॅण्ड सुरु करण्याची इच्छा दर्शविली आहे. ३२ वर्षीय करिनाच्या ‘बेबो’ नावाचा हा डेनिम ब्रॅण्ड परदेशातील मोठ्या स्टोअर्समध्ये मिळणार आहे.
करिनाने पुढाकार घेतलेल्या फॅशन किंवा आरोग्य संबंधित गोष्टीं यशस्वी राहिल्या आहेत. तिने नेहमीच लोकांना प्रभावित केले असून याव्यतिरिक्त आंतरराष्ट्रीय ब्रॅण्डसाठी हवी असलेली सर्व वैशिष्टये तिच्यात आहेत, असे सांगण्यात येत आहे. करिनाने आतापर्यंत २२ ब्रॅण्डसना तिचा चेहरा आणि नाव दिले आहे.