तैमूर आणि जहांगीरला नावावरून ट्रोल करण्यावर करीना म्हणाली…

करीनाचे म्हणणे आहे की तिला आणि सैफला तैमूर आणि जहांगीर ही दोन्ही नावे आवडली. त्यामुळेच त्यांनी मुलांची नावं तैमूर आणि जहांगीर ठेवली आहेत. तर जेव्हा तिच्या मुलांना त्यांच्या नावावरून ट्रोल केले जाते तेव्हा तिला खूप वाईट वाटते. करीनाने नुकतीच ‘द गार्डियन’ला मुलाखत दिली. या मुलाखतीत ‘माझ्या मुलांची नाव ही फक्त आम्हाला आवडलेली नावं आहेत. त्याहून जास्त काही नाही. ही नाव खूप सुंदर आहेत आणि दोन्ही मुलं देखील सुंदर आहेत. सगळ्यात महत्त्वाचं म्हणजे कोणी मुलांना कसं ट्रोल करू शकतं?  हे वाईट वाटण्यासारखं आहे. मला वाईट वाटतं पण मला माझ्या कामावर लक्ष केंद्रित करायचे आहे. मी माझे आयुष्य ट्रोल्स नुसार जगत नाही,’ असे करीना म्हणाली.

आणखी वाचा : ‘मला पुन्हा त्याचा चेहरा पाहायचा नाही…’, कृष्णा अभिषेकवर संतापली गोविंदाची पत्नी सुनीता अहुजा

आणखी वाचा : ‘बेटा’ चित्रपटामुळे बोनी कपूर आणि श्रीदेवीचं झालं होतं मोठं भांडण

करीना लवकरच ‘लालसिंह चड्ढा’ या चित्रपटात दिसणार आहे. या चित्रपटाचे दिग्दर्शन अद्वैत चंदन यांनी केले आहे, तर आमिर खान मुख्य भूमिकेत आहे. १९९४ साली प्रदर्शित झालेल्या ‘फॉरेस्ट गम्प’ या ऑस्कर पुरस्कार विजेत्या चित्रपटावरुन ‘लालसिंह चड्ढा’ या चित्रपटाचे कथानक तयार करण्यात आले आहे. या व्यतिरिक्त करीना हंसल मेहता आणि एकता कपूरच्या एका नवीन चित्रपटात दिसणार आहे.