बॉलिवूडची बेबो म्हणजेच करीना कपूर ही लोकप्रिय अभिनेत्रींपैकी एक आहे. करीना ही सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ती चाहत्यांच्या संपर्कात असते. करीनाचं अभिनेता सैफ अली खानशी लग्न झालं आहे. पण त्याआधी करीनाचं नाव अनेक कलाकारांसोबत जोडलं होतं. तर एकदा करीनाच्या वडिलांनी तिच्या एक्स बॉयफ्रेंडवर मांसाहारी नसल्याचे कळल्यानंतर त्यांची कशी प्रतिक्रिया होती हे सांगितलं आहे.
करीनाने नुकतीच ट्विक इंडिया या शोमध्ये हजेरी लावली होती. या शोमध्ये ट्विंकल खन्ना आणि करीना कपूर अनेक गोष्टींवर बोलत होते. त्यावेळी त्यांच्या डायट विषयी बोलत असताना, बॉयफ्रेंड हा शाकाहारी असल्यामुळे तिच्या वडिलांची कशी प्रतिक्रिया होती हे सांगितलं. करीनाला तिच्या वडिलांची आणि बॉयफ्रेंडची ओळख करून द्यायची होती. तिचे वडील तयारही झाले होते. त्यांनी मुगलई क्वीझनच्या हॉटेलमध्ये त्याला बोलावलं. करीनाने त्यांना सांगितलं की माझा बॉयफ्रेंड हा शाकाहारी आहे. तेव्हा ते म्हणाले, “काही नाही बेटा, तो आपल्या ड्रायव्हरसोबत जेवण करू शकतो.”
पुढे करीना ट्विंकलला म्हणाली, “तुला तर माहित आहे की ते खवय्या आहेत.” तेव्हा ट्विंकलने विचारलं की “तरी तुझा बॉयफ्रेंड डिनरसाठी तुझ्या वडिलांसोबत थांबला का?” तर करीना म्हणाली, “तो थांबला आणि एकटक बघत राहिला.”
आणखी वाचा : “मुलगी आणि पत्नीसोबत पाहू शकत नाही असा चित्रपट…”, अल्लू अर्जुनचं वक्तव्य चर्चेत
दरम्यान, करीनाने २०१२ मध्ये सैफ अली खानशी लग्न केले आहे. सैफ सुद्धा खवय्या आहे. तो बऱ्याचवेळा रोस्ट चिकन बनवतो. करीना शाहिदसोबत बरीच वर्षे रिलेशनशिपमध्ये होती. रिपोर्ट्सनुसार, शाहिद हा शाकाहारी आहे आणि त्याच्यासाठी करीना देखील शाकाहारी झाली होती.
