कर्नाटकातील शाळा आणि महाविद्यालयांमध्ये मुस्लीम विद्यार्थ्यांच्या हिजाब घालण्यावरून वाद अद्याप सुरूच आहे. कर्नाटकात सुरू असलेला हिजाब वादाचा मुद्दा आता देशभर चर्चेचा विषय ठरत आहे. यावर विविध राजकीय प्रतिक्रिया उमटत आहेत. त्यानंतर सिनेसृष्टीतील दिग्गज कलाकारही यावर प्रतिक्रिया देताना दिसत आहे. दरम्यान, अभिनेत्री स्वरा भास्करने ट्वीट करत यावर प्रतिक्रिया दिली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

स्वरा भास्करने कर्नाकटमधील घटनेचा व्हिडीओ शेअर करत नाराजी व्यक्त केली आहे. तिने हा व्हिडीओ ट्विटर अकाऊंटवर शेअर करत ‘भेड़िये’ असे कॅप्शन दिले आहे. सध्या सोशल मीडियावर कर्नाकटमधील या घटनेनंतर कमल हसन, रिचा चड्ढा यांनी आंदोलकांवर मुलींची छेडछाड केल्याबद्दल टीका केली होती. त्यापाठोपाठ जावेद अख्तर, स्वरा भास्कर यांनी ट्वीट करून या घटनेचा निषेध केला आहे.

आणखी वाचा

काय आहे नेमके प्रकरण?

कर्नाटकातील उडुपी येथील एका महाविद्यालयात सहा मुलींना महाविद्यालयीन गणवेश परिधान न करता हिजाब परिधान केल्यामुळे त्यांना वर्गात जाण्यास मज्जाव करण्यात आला होता. यानंतर या मुलींनी आंदोलन केले होते. कॉलेजला न जुमानता त्यांनी हायकोर्टात धाव घेतली. त्यानंतर हा वाद कर्नाटकातील अनेक कॉलेजांमध्ये सुरु झाला.

दरम्यान कर्नाटकातील उडुपी कॉलेजमध्ये हिजाब परिधान केल्याच्या घटनेने सुरू झालेल्या वादाचे देशभरात पडसाद उमटत आहेत. अनेक विद्यार्थी शाळा आणि महाविद्यालयांमध्ये हिजाब घालण्यावरून आंदोलनं करताना दिसत आहे. हिजाबच्या विरोधात काही विद्यार्थ्यांनी घोषणाबाजी केली होती. आता हे प्रकरण न्यायालयात पोहोचलं आहे. शैक्षणिक संस्थांमधील हिजाबवरील बंदी प्रकरण बुधवारी कर्नाटक उच्च न्यायालयाच्या व्यापक खंडपीठाकडे प्रविष्ट करण्यात आल़े आहे. त्यावर आज, गुरुवारी सुनावणी होणार आहे.