कौन बनेगा करोडपती : अन् ‘बिग बी’ नीच केली शो थांबवण्याची विनंती, म्हणाले…

सोनी वाहिनीने त्यांच्या अधिकृत इन्स्टग्राम अकाऊंटवर नवीन प्रोमो शेअर केला आहे. या व्हिडीओत अमिताभ यांनी हॉट सीटवर विराजमान झालेली स्पर्धक नम्रता खूप सुंदर दिसत असून तिने घातलेला नेकलेस खूप छान असल्याचं सांगितलं. पुढे नम्रता अमिताभ यांना ‘अमित जी’ बोलू शकते का असा प्रश्न विचारताना दिसली. हा प्रश्न ऐकताच बिग बी तिला फक्त ‘अमित’ म्हण असे सांगताना दिसले आणि निर्मात्यांना विनंती करत म्हणाले, “कृपया हा शो थांबव मला आणि नम्रता सोबत एक कप चहा प्यायला जायचे आहे”.

अजून एका प्रोमोत नम्रता ‘कलंक’ सिनेमातील ‘घर मोरे परदेसिया’ या लोकप्रिय गाण्यावर डान्स करताना दिसली. तसंच ती अमिताभ यांचे कौतुक करत ‘तुम्ही अजून सुद्धा खूप तरुण आहेत’, अशी स्तुती करताना दिसली आहे. ‘कौन बनेगा करोडपती १३.’ चा हा प्रोमो पाहून प्रेक्षक आता या भागाची आतुरतेने वाट बघत आहेत.