माहितीचा स्त्रोत म्हणून छोट्या पडद्यावरील अतिशय लोकप्रिय शो ‘कौन बनेगा करोडपती’ पाहिला जातो. बॉलिवूड अभिनेते अमिताभ बच्चन या शोचे सूत्रसंचालन करत आहेत. आता या शोचे १३ वे पर्व सुरु आहे. या शोमध्ये ‘शानदार फ्रायडे’ हा एपिसोड असतो. या दिवशी सेलिब्रिटी शोमध्ये हजेरी लावतात. यावेळी शोमध्ये बॉलिवूड अभिनेचा सोनू सूद आणि कॉमेडियन कपिल शर्मा यांनी हजेरी लावली होती. या दोघांनी अमिताभ यांच्याशी भरपूर गप्पा मारल्या आणि अनेक जुन्या आठवणी सांगितल्या.
यावेळी कपिलने गप्पामारत असताना बॉलिवूडची क्वीन अभिनेत्री कंगना रणौतचा उल्लेख केला आहे. कंगनामुळे त्याचा फिटनेस ट्रेनर त्याला सोडून कसा पळून गेला हे सांगितले. खरतरं जेव्हा सोनूने ‘द कपिल शर्मा शो’मध्ये हजेरी लावली होती. तेव्हा त्याने कपिलला त्याच्या फिटनेसवर लक्ष द्यायला सांगितले होते. पण कपिलने त्याच्याकडे लक्ष दिले नाही.
हे पाहिल्यानंतर सोनूने ठरवलं की कपिलला आता फिट बनवायचं. त्याने त्याच्या फिटनेस ट्रेनरला कपिलच्या मागे लाग आणि त्याला फिट बनव असे सांगितले. यावर कपिल म्हणाला, ‘त्याने दिलेल्या ट्रेनरने मला अजिबात सोडले नाही, पण एक दिवस त्याला कंगना रणौत क्लायंट म्हणून मिळाली. त्या दिवशी त्याने माझ्या छातीवर डंबेल सोडला आणि निघून गेला.
कपिलची ही गोष्ट ऐकल्यानंतर स्टुडिओमध्ये असलेल्या सगळ्या लोकांसोबत सोनू आणि अमिताभ हसू लागले. कपिलने शोमध्ये अमिताभ यांचे रिमझिम गिरे सावन हे गाणं गायलं. त्याने अमिताभ आणि शत्रुघ्न सिन्हा यांची अॅक्टिंग केली होती.