‘केसरी’ ठरला २०१९ मधला सर्वाधिक वेगाने १०० कोटींची कमाई करणारा चित्रपट

अक्षय कुमारचा ‘केसरी’ २१ मार्चला प्रदर्शित झाला होता. पहिल्या दिवशी या चित्रपटानं २१ कोटींची कमाई केली. प्रेक्षकांचा भरभरून प्रतिसाद या चित्रपटाला लाभला. सारागढीच्या युद्धावर हा चित्रपट आधारलेला आहे. इतिहासात लढलेलं सर्वात धाडसी युद्ध अशा शब्दात या युद्धाचं कौतुक केलेलं पहायला मिळतं. भारतातील ३,६०० स्क्रीनवर हा चित्रपट प्रदर्शित झाला आहे. सात दिवसांत एकूण १००.०१ कोटींची कमाई या चित्रपटाने केली आहे.

#Kesari is now *fastest* ₹ 100 cr grosser of 2019 [so far]… Crosses ₹ 100 cr on Day 7… Thu 21.06 cr, Fri 16.75 cr, Sat 18.75 cr, Sun 21.51 cr, Mon 8.25 cr, Tue 7.17 cr, Wed 6.52. Total: ₹ 100.01 cr. India biz… ₹ 100 cr in days: #GullyBoy [Day 8]. #TotalDhamaal [Day 9].

— taran adarsh (@taran_adarsh) March 28, 2019

गेल्या महिन्यात प्रदर्शित झालेल्या रणवीर आलियाच्या ‘गलीबॉय’ने ८ दिवसांत १०० कोटींची कमाई केली होती. तर ‘टोटल धमाल’ चित्रपटाने ९ दिवसांत १०० कोटी कमावले होते. कमी दिवसांत सर्वाधिक कमाई करण्याचा ‘केसरी’चा विक्रम आगामी काळात मोडला जाऊ शकतो यात शंकाच नाही. कारण आगामी काळात सलमान खान, कंगाना रणौत, रणवीर सिंगचे अनेक चित्रपट प्रदर्शनाच्या मार्गावर आहेत.