‘वीर दौडले सात’ चित्रपटात सरसेनापती प्रतापराव गुजर यांच्या भूमिकेत दिसणार ‘हा’ अभिनेता

महेश मांजरेकर यांनी नुकतंच इन्स्टाग्रामवर या चित्रपटाचा टीझर शेअर केला होता. “छत्रपतींचा आदेश वाहे सळसळत्या रक्तात, वीर वीर वीर वीर वीर वीर दौडले सात”, असे म्हणत त्यांनी या चित्रपटाचा टीझर शेअर केला आहे. ‘वीर दौडले सात’ या चित्रपटाची कथा सरसेनापती प्रतापराव गुजर यांच्यावर आधारित आहे. २४ फेब्रुवारी १६७४ रोजी सरसेनापती प्रतापराव गुजर आणि त्यांच्या सहा शिलेदारांनी स्वराज्य रक्षणासाठी आपल्या प्राणांची आहूती देत नेसरी खिंड पावन केली. ही सर्व लढाई या चित्रपटात दाखवली जाणार आहे.

आणखी वाचा

चित्रास कारण की: जमिनीवरची मेंदी

D. Y. Chandrachud : संजय राऊतांच्या टीकेवर माजी…

विधानसभा निवडणुकीत महायुतीला १७० हून अधिक जागा मिळाल्याशिवाय राहणार नाहीत – मुख्यमंत्री एकनाथ शिंदे

फक्त ६ कोटींचे बजेट असलेल्या सिनेमाने कमावलेले ७६ कोटी, तुम्ही पाहिलाय का २८ वर्षांपूर्वीचा ‘हा’ सुपरहिट चित्रपट?

भूगोलाचा इतिहास : एका खेळियाने…

दोन ‘सिक्वेल’च्या घवघवीत यशाने चित्रपटसृष्टीची दिवाळी गोड

लोकमानस : कणा आणखी किती भार सोसणार?

“छत्रपतींचा आदेश वाहे सळसळत्या रक्तात…”, महेश मांजरेकरांच्या ‘वीर दौडले सात’ चित्रपटाचा टीझर प्रदर्शित

तडफदार सरसेनापती प्रतापराव गुजर यांच्यावर आधारित असलेल्या या चित्रपटातील मुख्य भूमिकेत स्वत: महेश मांजरेकर असल्याचे पाहायला मिळत आहे. मात्र इतर कोणत्याही कलाकाराचा चेहरा अद्याप स्पष्ट झालेला नाही. तसेच यात इतर सहा शिलेदार कोण याबाबत गुप्तता पाळली जात आहे. विशेष म्हणजे या चित्रपटात छत्रपती शिवाजी महाराज आणि बहलोल खान कोण साकारणार याबाबतही प्रेक्षकांमध्ये उत्सुकता पाहायला मिळत आहे. मात्र याबाबत कोणतीही माहिती समोर आलेली नाही.

“न भूतो न भविष्यती, मराठीतील सर्वाधिक बजेटची कलाकृती…”, महेश मांजरेकरांकडून ‘महाराष्ट्र दिनी’ नव्या चित्रपटाची घोषणा

येत्या दिवाळीच्या मुहूर्तावर हा चित्रपट प्रदर्शित होणार आहे. हा चित्रपट मराठीतील सर्वाधिक बजेटचा चित्रपट असणार आहे. विशेष म्हणजे सध्या छत्रपती शिवरायांवर निर्मिती होत असलेल्या अनेक चित्रपटांमध्ये या चित्रपटाचीही भर पडणार आहे. या आधी महेश मांजरेकर यांनी ‘मी शिवाजीराजे भोसले बोलतोय’ या चित्रपटात छत्रपती शिवाजी महाराजांची भूमिका साकारली होती. त्यामुळे आता या चित्रपटात शिवाजी महाराजांची भूमिका कोण साकारणार, याबद्दल प्रेक्षकांमध्ये उत्सुकता पाहायला मिळत आहे.