बॉलिवूड अभिनेत्री क्रिती सेनन ही लोकप्रिय अभिनेत्रींपैकी एक आहे. क्रिती गेल्या काही दिवसांपासून ‘मिमि’ या तिच्या चित्रपटामुळे चर्चेत होती. प्रत्येक अभिनेत्रीला करिअरच्या सुरुवातीला संघर्ष करावा लागतो तसा संघर्ष क्रितीला ही करावा लागला आहे. मॉडेलिंगच्या सुरुवातीला पहिल्या रॅम्प वॉकच्यावेळी कोरिओग्राफरने तिला २० मॉडेल्ससमोर फटकारले होते असे क्रितीने नुकत्याच दिलेल्या एका मुलाखतीत सांगितले आहे.
क्रितीने नुकतीच ‘ब्रुट इंडिया’ला मुलाखत दिली. यावेळी क्रितीने हा खुलासा केला आहे. ‘जेव्हा मी माझा पहिला रॅम्प शो केला, तेव्हा मी कोरिओग्राफीमध्ये थोडी गडबड केली होती. त्यानंतर शो संपला आणि कोरिओग्राफने २० मॉडेल समोर मला फटकारले. जेव्हा कोणी मला ओरडतं किंवा फटकारतं तेव्हा मी लगेच रडू लागते,’ असे क्रिती म्हणाली.
पुढे क्रिती म्हणाली, ‘मला आठवतंय की मी एका ऑटोमध्ये बसले होते आणि ज्या क्षणी मी ऑटोमध्ये बसले, तेव्हा मी लगेच रडू लागले. मी घरी परतले आणि मी माझ्या आईजवळ जाऊन पुन्हा रडू लागले. त्यावेळी माझी आई मला म्हणाली, तू यात काम करू शकते किंवा हे करिअर तुझ्यासाठी आहे की नाही याची कल्पना मला नाही. तुला भावनिकदृष्ट्या अधिक मजबूत होण्याची गरज आहे. तुला एका जाड कातडीची व्यक्ती असणे गरजेचे आहे. त्यासोबत आत्मविश्वास असणे सगळ्यात महत्त्वाचे आहे आणि आत्मविश्वास ही एक अशी गोष्ट आहे जी मी काही वेळाने मिळवली.’
क्रितीचा ‘मिमि’ हा चित्रपट काही दिवसांपूर्वी प्रदर्शित झाला होता. आता क्रितीने ‘बच्चन पांडे’चे चित्रीकरण संपवले आहे. या चित्रपटात ती अक्षय कुमारसोबत दिसणार आहे. यानंतर क्रिती टायगर श्रॉफसोबत ‘गणपत’ या चित्रपटामध्ये दिसणार आहे. एवढंच नाही तर ती ‘भेडीया’ आणि ‘हम दो हमारे दो’ या चित्रपटात दिसणार आहे.
क्रितीने नुकतीच ‘ब्रुट इंडिया’ला मुलाखत दिली. यावेळी क्रितीने हा खुलासा केला आहे. ‘जेव्हा मी माझा पहिला रॅम्प शो केला, तेव्हा मी कोरिओग्राफीमध्ये थोडी गडबड केली होती. त्यानंतर शो संपला आणि कोरिओग्राफने २० मॉडेल समोर मला फटकारले. जेव्हा कोणी मला ओरडतं किंवा फटकारतं तेव्हा मी लगेच रडू लागते,’ असे क्रिती म्हणाली.
पुढे क्रिती म्हणाली, ‘मला आठवतंय की मी एका ऑटोमध्ये बसले होते आणि ज्या क्षणी मी ऑटोमध्ये बसले, तेव्हा मी लगेच रडू लागले. मी घरी परतले आणि मी माझ्या आईजवळ जाऊन पुन्हा रडू लागले. त्यावेळी माझी आई मला म्हणाली, तू यात काम करू शकते किंवा हे करिअर तुझ्यासाठी आहे की नाही याची कल्पना मला नाही. तुला भावनिकदृष्ट्या अधिक मजबूत होण्याची गरज आहे. तुला एका जाड कातडीची व्यक्ती असणे गरजेचे आहे. त्यासोबत आत्मविश्वास असणे सगळ्यात महत्त्वाचे आहे आणि आत्मविश्वास ही एक अशी गोष्ट आहे जी मी काही वेळाने मिळवली.’
क्रितीचा ‘मिमि’ हा चित्रपट काही दिवसांपूर्वी प्रदर्शित झाला होता. आता क्रितीने ‘बच्चन पांडे’चे चित्रीकरण संपवले आहे. या चित्रपटात ती अक्षय कुमारसोबत दिसणार आहे. यानंतर क्रिती टायगर श्रॉफसोबत ‘गणपत’ या चित्रपटामध्ये दिसणार आहे. एवढंच नाही तर ती ‘भेडीया’ आणि ‘हम दो हमारे दो’ या चित्रपटात दिसणार आहे.
