“रणबीर कपूर लग्नानंतर १५ वर्षात आलियाला घटस्फोट देईल”; केआरकेच्या भविष्यवाणीवर चाहते भडकले

केआरकेने  ट्वीट करत आजवर अनेक भाकीतं केली आहेत. यात आता रणबीर कपूर आणि आलिया भट्टचा नंबर आलाय. केआरके ने एक ट्वीट शेअर केलं असून यात तो म्हणाला, ” रणबीर कपूर आणि आलिया भट फारफार तर २०२२ च्या अखेरपर्यंत लग्न करतील. मात्र रणबीर कपूर लग्नानंतर १५ वर्षात तिला घटस्फोट देईल.”

हे देखील वाचा: ‘नावांमुळे सैफ आणि करीनाची मुलं यशस्वी अभिनेते होणार नाहीत’, अभिनेत्याने केली भविष्यवाणी

केआरकेने रणबीर आणि आलियाच्या घटस्फोटाची केलेली ही भविष्यवाणी त्यांच्या चाहत्यांना पचनी पडलेली नाही. त्यामुळे केआरकेच्या या ट्वीटवर त्याला अनेक नेटकऱ्यांनी ट्रोल केलंय. एक युजर म्हणाला ” मग तू म्हणतोस की लोक मला शिव्या का देतात.”

तर दुसरा युजर म्हणाला, “तसं तुझं लग्न कसं झालं. नक्कीच गावी न पाहताच झालं असेल. कारण तिने तुला आधी पाहिलं असतं तर नक्कीच कधी लग्न केलं नसतं.”

हे देखील वाचा: “दिलीप कुमार यांनी अभिनयाशिवाय हिंदी सिनेसृष्टीसाठी योगदान दिलं नाही”; नसीरुद्दीन शाह यांचं मोठं विधान

केआरकेच्या या पोस्टनंतर अनेकांनी त्याच्यावर निशाणा साधला आहे. या आधी देखील केआरकेला ट्वीट करणं अनेकदा महागात पडलं आहे. नेटकऱ्यांनी वेळोवेळी केआरकेची खिल्ली उडवली आहे.