सोशल मीडियावर अचानक का होतेय ‘बाहुबली’तल्या कुमार वर्माची चर्चा?

बॉक्स ऑफीसवर तुफान गाजलेल्या ‘बाहुबली : द बिगनिंग’ आणि ‘बाहुबली : द कन्क्लुजन’ या दोन्ही चित्रपटांनी प्रेक्षकांच्या मनावर एक वेगळीत छाप सोडली आहे. प्रेक्षकांनी या दोन्ही चित्रपटांना अक्षरश: डोक्यावर उचलून धरलं. त्यातील प्रत्येक पात्र आणि संवाद अनेकांना जसंच्या तसं लक्षात असतील. एकीकडे प्रभास आणि अनुष्का या मुख्य भूमिका साकारणाऱ्या कलाकारांनी ‘बाहुबली २’मध्ये सर्वोत्तम कामगिरी केली असतानाच छोटी भूमिका असलेल्या एका कलाकारानेही प्रेक्षकांची मनं जिंकली. ही भूमिका म्हणजे कुमार वर्माची. अभिनेता सुब्बाराजूने साकारलेली ही भूमिका प्रेक्षकांना चांगलीच भावली. फक्त भारतातच नव्हे तर देशभरात सुपरहिट ठरलेल्या या चित्रपटातील कुमार वर्माच्या भूमिकेचे आता चक्क सोशल मीडियावर इमोटिकॉन्स पाहायला मिळत आहेत.