जर मी अभिनेता बनलो नसतो तर नक्कीच कुकिंगमध्ये करिअर केले असते- धीरज धूपार

कुंडली भाग्य या मालिकेच्या चित्रीकरणास सुरूवात करण्याआधी धीरजने अनेक चविष्ठ भारतीय पदार्थ तयार करून बायकोला खायला घातले होते. जर तो अभिनेता बनला नसता तर त्याने एक चांगले हॉटेल खोलले असते असे इच्छा देखील त्याने व्यक्त केली आहे.

आपल्या या सीक्रेट पॅशनबद्दल धीरज बोलताना म्हणाला, “लॉकडाउनदरम्यान मी माझ्या बायकोचे खूप लाड केले. मला पराठे खूप छान बनवता येऊ लागले होते. त्यामुळे मी तिच्या वाढदिवशी कोबीचे पराठे बनवले होते. त्याआधी मी बटाट्याचे पराठेही बनवले होते. जर मी अभिनेता झालो नसतो तर कुकिंगमध्ये करिअर केले असते. हॉटेल उघडायला मला आवडले असते.”

कुंडली भाग्य या मालिकेचे पुन्हा चित्रीकरण सुरु झाले आहे. आता लॉकडाउननंतर मालिकेमध्ये काय वेगळं पाहायला मिळणार हे पाहण्यासाठी सर्वजण उत्सुक आहेत.