‘रात्रीस खेळ चाले २’नंतर आणखी एक मालिका घेणार प्रेक्षकांचा निरोप

काही दिवसांपूर्वी ‘मिसेस मुख्यमंत्री’ या मालिकेच्या नव्या भागांचे चित्रीकरण सुरु झाले होते. पण आता ही मालिका प्रेक्षकांचा निरोप घेणार आहे. त्यामुळे सुमी आणि समर पुढचे काही दिवस प्रेक्षकांचे मनोरंजन करणार आहेत. १२ सप्टेंबर रोजी या मालिकेचा शेवटा भाग प्रदर्शित होणार आहे.

आता या मालिकेच्या वेळात संध्याकाळी ७ वाजता झी मराठीवर “लाडाची मी लेक ग” ही नवीन मालिका प्रेक्षकांना दिसणार आहे. ही मालिका १४ सप्टेंबरपासून प्रेक्षकांच्या भेटीला येणार आहे. नुकताच मालिकेचा पहिला प्रोमो समोर आल असून, प्रोमो पाहून प्रेक्षकांमध्ये उत्सुकता निर्माण झाली आहे.