पुरी जगन्नाथ यांचं दिगदर्शन असलेला आणि विजय देवरकोंडा आणि अभिनेत्री अनन्या पांडे यांची मुख्य भूमिका असलेला ‘लायगर’ चित्रपट काही दिवसांपूर्वीच प्रदर्शित झाला. या चित्रपटाला प्रेक्षकांचा संमिश्र प्रतिसाद मिळताना दिसत आहे. अशातच सोशल मीडियावरही या चित्रपटावर बरेच मीम्स व्हायरल होताना दिसत आहेत. विशेषतः अभिनेत्री अनन्या पांडे या चित्रपटाच्या प्रदर्शनानंतर पुन्हा नेटकऱ्यांच्या निशाण्यावर आहे. तिच्या अभिनयावरून तिला जोरदार ट्रोल केलं जात आहे. या चित्रपटामध्ये अनन्याचा असा एक संवाद आहे ज्यामुळे आता तिला ट्रोल केलं जात आहे.
अनन्या आणि विजय देवरकोंडा यांच्या चित्रपटातील एक सीन सोशल मीडियावर चर्चेत आहे. या सीनचा व्हिडी खूप व्हायरल होताना दिसत असून यात अनन्या अभिनयाच्या करिअरसाठी हॉलिवूडला जाणार असल्याचं बोलताना दिसत आहे. अनन्या म्हणते, “मी एक स्टार आहे आणि माझं करिअर पुढे नेण्यासाठी मी हॉलिवूडला जात आहे.” तिच्या याच संवादाची सोशल मीडियावर जोरदार खिल्ली उडवली जात आहे.
आणखी वाचा- शाहरुखला लग्नासाठी दुसरी कोणी भेटल्यास काय करशील? गौरी खानने दिलं होतं ‘असं’ उत्तर
अनन्याच्या या सीनचा एक व्हिडीओ सोशल मीडियावर जोरदार व्हायरल होत असून यावरून नेटकरी अनन्याला ट्रोल करताना दिसत आहेत. एका युजरने तिचा हा व्हिडीओ शेअर करताना लिहिलं, “खरंच की काय? आधी बॉलिवूड करिअर तरी सांभाळ, नीट अभिनय तरी कर ताई.” याशिवाय अन्य एका युजरने लिहिलं, “मला अद्याप हसू आवरत नाहीये. आता आम्हाला, स्कार्लेट जॉहनसन, ऐमा वॉटसन यांच्याशी अनन्याची तुलना करावी लागणार का?” तर आणखी एकाने लिहिलं, “मला कळत नाही लेखकाने अशाप्रकारचा संवाद हिच्यासाठी लिहिलाच कसा?”
आणखी वाचा-विजय देवरकोंडाची जादू फिकी, अवाढव्य खर्च, जबरदस्त प्रमोशन करूनही ‘लायगर’ला थंड प्रतिसाद
दरम्यान ‘लायगर’मध्ये अनन्या पांडे एका सोशल मीडिया एन्फ्ल्युएन्सरच्या भूमिकेत आहे. तिला अभिनय क्षेत्रात करिअर करायचं आहे आणि विजय देवरकोंडा एक बॉक्सर असून तो तिच्या प्रेमात पडतो. या दोघांमध्ये एक सीन आहे. या सीनमध्ये दोघंही भर रस्त्यात एकमेकांशी भांडताना दिसत आहे. याच भांडणात अनन्या विजयला म्हणते, “मी एक स्टार आहे आणि मला माझ्या अभिनयाच्या करिअरसाठी हॉलिवूडला जायचं आहे.” आता याच संवादामुळे अनन्या ट्रोल होत आहे.
