लोकसत्ता प्रतिनिधी

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

छोटय़ा पडद्यावरील ‘देवमाणूस’ या मालिकेतील शीर्षक भूमिकेतून घरोघरी प्रसिद्ध झालेला अभिनेता किरण गायकवाड सध्या नव्या चित्रपटाच्या तयारीत रमला आहे. डीजे ते मुख्य अभिनेता हा किरणचा अभिनय प्रवास नवोदितांसाठी प्रेरणादायी ठरणारा आहे. याच किरणला सध्या नव्या चित्रपटाचा ‘नाद’ लागला आहे. त्याच्या ‘नाद – द हार्ड लव्ह’ या आगामी मराठी चित्रपटाच्या चित्रीकरणाला नुकतीच भोर येथे सुरुवात झाली आहे. 

आणखी वाचा

शकुंतला क्रिएशन प्रॉडक्शन आणि जिजाऊ क्रिएशन मेकर या निर्मिती संस्थांतर्गत ‘नाद’ची निर्मिती करण्यात येत आहे. संजय बाबुराव पगारे आणि रुपेश दिनकर पगारे या चित्रपटाचे निर्माते असून, दिग्दर्शनाची धुरा ‘बलोच’ फेम प्रकाश जनार्दन पवार यांनी सांभाळली आहे. भोरमध्ये ‘नाद’च्या चित्रीकरणाला सुरुवात करण्यात आली आहे. या चित्रपटाची नेमकी कथा काय हे अजून गुलदस्त्यात आहे. नायकाच्याच नव्हे, तर खलनायकी भूमिकाही अगदी सहजपणे साकारण्याची हातोटी किरणकडे आहे. त्यामुळे या चित्रपटातील नायक किरण कशा प्रकारे साकारतो हे पाहणं त्याच्या चाहत्यांसाठी उत्सुकतेचं ठरणार आहे. किरणच्या जोडीला सपना माने ही नवोदित अभिनेत्री चित्रपटात झळकणार असल्याचेही पवार म्हणाले.

हेही वाचा >>>Video: “लहान मुलांना तरी सोडा…”, पापाराझींना पाहून रितेश देशमुख वैतागला, व्हिडीओ व्हायरल

‘नाद’ची कथा संतोष दाभोळकर आणि दीपक पवार यांनी लिहिली असून, पटकथा व संवादलेखन डॉ. विनायक पवार यांनी केलं आहे. डॉ. विनायक पवार यांनी वैभव देशमुख यांच्या साथीने गीतलेखनही केलं असून, त्यांच्या संगीतरचना संगीतकार पंकज पडघम यांनी संगीतबद्ध केल्या आहेत. डिओपी अमित सिंह या चित्रपटाची सिनेमॅटोग्राफी करत असून, कला दिग्दर्शनाची जबाबदारी सतीश चिपकर यांनी सांभाळली आहे.