‘लोकसत्ता लोकांकिका’ या नाटय़स्पर्धेतून प्रेक्षकांसमोर आलेला अभिनेता कुणाल शुक्ल याला ‘तीन पायांचा घोडा’ या चित्रपटात प्रमुख भूमिका साकारण्याची संधी मिळाली असून हा चित्रपट यंदाच्या मामि महोत्सवात दाखविण्यात येणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
‘लोकसत्ता लोकांकिका’ स्पर्धेत सलग दोन वर्षे सहभाग घेऊन अभिनय करण्याची संधी मिळाली म्हणूनच करिअरच्या सुरुवातीलाच चित्रपटात प्रमुख भूमिका साकारण्यासाठी निर्माते व दिग्दर्शक आणि कास्टिंग दिग्दर्शक रोहन मापूसकर यांनी माझी निवड केली, असे सांगून कुणाल शुक्ल याने ‘लोकसत्ता’चे आभार मानले.
आपले ‘लोकांकिके’तील काम या क्षेत्रातील मान्यवरांपर्यंत पोहोचल्याचे कुणालने यावेळी नमूद केले. योगेश जोशी लिखित आणि नूपुर बोरा दिग्दर्शित ‘तीन पायांचा घोडा’ या चित्रपटासाठी आपली निवडही ‘लोकांकिके’तील माझे काम पाहूनच कास्टिंग दिग्दर्शक रोहन मापूसकर यांनी केली असल्याचे त्याने सांगितले.
अभिनेता कुणाल शुक्ल या तरुणाला आपल्या मेहनतीच्या बळावर व सोबतच ‘लोकांकिके’च्या प्रसिद्धीमुळे आज ‘तीन पायांचा घोडा’ या मराठी चित्रपटात मुख्य भूमिकेत काम करण्यासाठी संधी मिळाली असून हा चित्रपट गेल्या आठवडय़ात सुरू झालेल्या ‘मामि चित्रपट महोत्सवा’साठी निवडला गेला आहे. या चित्रपटात मराठीतील दिग्गज कलाकारांचाही समावेश आहे. अभिनेता संदेश कुलकर्णी आणि अभिनेत्री देविका दफ्तरदार यांच्याही भूमिका या चित्रपटात असून कुणाल शुक्लसह रिया नलावडे आणि अविनाश लोंढे यांच्या या चित्रपटात प्रमुख भूमिका आहेत.
‘लोकसत्ता लोकांकिका’च्या २०१४ च्या पर्वात ‘बीईंग सेल्फीश’ त्यानंतर पुढील वर्षीच ‘एक्सपेरिमेंट’ अशा दोन एकांकिकेतून कुणाल शुक्ल हा तरुण प्रेक्षकांसमोर आला. त्याला मुंबई विभागातून सर्वोत्कृष्ट अभिनेत्याचे पुरस्कारही प्राप्त झाले. अभिनयाच्या क्षेत्रातच करिअर बनवण्याची इच्छा बाळगून असणाऱ्या कुणाल शुक्लने दोन लघुपट दिग्दर्शित केले असून ते मामि चित्रपट महोत्सवात प्रदर्शित झाले आहेत. तसेच ‘इंडिया फिल्म प्रोजेक्ट’चा पुरस्कारही त्यांना मिळाला आहे. ‘लोकसत्ता लोकांकिका’ या आंतर महाविद्यालयीन एकांकिका स्पर्धेतून गेल्या काही वर्षांत अनेक नवोदित कलाकार, लेखक, दिग्दर्शक यांना चित्रपट आणि मालिकेत काम करण्याची संधी मिळाली आहे. कुणालनेही ‘लोकसत्ता लोकांकिका’च्या माध्यमातून थेट मनोरंजन क्षेत्रातील धुरिणांपर्यंत आपले काम पोहोचवण्याची संधी मिळते याचा पुनरुच्चार करत पुन्हा एकदा ‘लोकसत्ता’चे आभार मानले.
‘लोकसत्ता लोकांकिका’ स्पर्धेत सलग दोन वर्षे सहभाग घेऊन अभिनय करण्याची संधी मिळाली म्हणूनच करिअरच्या सुरुवातीलाच चित्रपटात प्रमुख भूमिका साकारण्यासाठी निर्माते व दिग्दर्शक आणि कास्टिंग दिग्दर्शक रोहन मापूसकर यांनी माझी निवड केली, असे सांगून कुणाल शुक्ल याने ‘लोकसत्ता’चे आभार मानले.
आपले ‘लोकांकिके’तील काम या क्षेत्रातील मान्यवरांपर्यंत पोहोचल्याचे कुणालने यावेळी नमूद केले. योगेश जोशी लिखित आणि नूपुर बोरा दिग्दर्शित ‘तीन पायांचा घोडा’ या चित्रपटासाठी आपली निवडही ‘लोकांकिके’तील माझे काम पाहूनच कास्टिंग दिग्दर्शक रोहन मापूसकर यांनी केली असल्याचे त्याने सांगितले.
अभिनेता कुणाल शुक्ल या तरुणाला आपल्या मेहनतीच्या बळावर व सोबतच ‘लोकांकिके’च्या प्रसिद्धीमुळे आज ‘तीन पायांचा घोडा’ या मराठी चित्रपटात मुख्य भूमिकेत काम करण्यासाठी संधी मिळाली असून हा चित्रपट गेल्या आठवडय़ात सुरू झालेल्या ‘मामि चित्रपट महोत्सवा’साठी निवडला गेला आहे. या चित्रपटात मराठीतील दिग्गज कलाकारांचाही समावेश आहे. अभिनेता संदेश कुलकर्णी आणि अभिनेत्री देविका दफ्तरदार यांच्याही भूमिका या चित्रपटात असून कुणाल शुक्लसह रिया नलावडे आणि अविनाश लोंढे यांच्या या चित्रपटात प्रमुख भूमिका आहेत.
‘लोकसत्ता लोकांकिका’च्या २०१४ च्या पर्वात ‘बीईंग सेल्फीश’ त्यानंतर पुढील वर्षीच ‘एक्सपेरिमेंट’ अशा दोन एकांकिकेतून कुणाल शुक्ल हा तरुण प्रेक्षकांसमोर आला. त्याला मुंबई विभागातून सर्वोत्कृष्ट अभिनेत्याचे पुरस्कारही प्राप्त झाले. अभिनयाच्या क्षेत्रातच करिअर बनवण्याची इच्छा बाळगून असणाऱ्या कुणाल शुक्लने दोन लघुपट दिग्दर्शित केले असून ते मामि चित्रपट महोत्सवात प्रदर्शित झाले आहेत. तसेच ‘इंडिया फिल्म प्रोजेक्ट’चा पुरस्कारही त्यांना मिळाला आहे. ‘लोकसत्ता लोकांकिका’ या आंतर महाविद्यालयीन एकांकिका स्पर्धेतून गेल्या काही वर्षांत अनेक नवोदित कलाकार, लेखक, दिग्दर्शक यांना चित्रपट आणि मालिकेत काम करण्याची संधी मिळाली आहे. कुणालनेही ‘लोकसत्ता लोकांकिका’च्या माध्यमातून थेट मनोरंजन क्षेत्रातील धुरिणांपर्यंत आपले काम पोहोचवण्याची संधी मिळते याचा पुनरुच्चार करत पुन्हा एकदा ‘लोकसत्ता’चे आभार मानले.
