असं म्हणतात की जगात एकसारख्या दिसणाऱ्या सात व्यक्ती असतात. अनेक वेळा हा प्रत्ययही खूप जणांना येतो. सध्याच्या काळात सोशल मीडिया प्रभावी माध्यम झालं आहे. त्यामुळे येथे कोणताही फोटो किंवा व्हिडिओ वाऱ्यासारखा पसरतो. त्यातच जर एखादी व्यक्ती कोणत्या सेलिब्रिटीसारखी दिसत असेल तर पाहायला नको. आतापर्यंत सोशल मीडियावर अनेक सेलिब्रिटींच्या डुप्लिकेटचे फोटो व्हायरल झाले आहेत. यामध्ये बिग बी अमिताभ बच्चन, शाहरुख, अनिल कपूर, देवानंद यांच्या डुप्लिकेटचे फोटो व्हायरल झाले असून सध्या अभिनेत्री अनुष्का शर्माच्या डुप्लिकेटचे फोटो व्हायरल होत आहेत.
अनुष्काप्रमाणे दिसणारी ही तरुणी अमेरिकन नागरिक असून ज्युलिया मायकल्स असं तिचं नाव आहे. सध्या सोशल मीडियावर अनुष्का आणि ज्युलियाचा फोटो व्हायरल होत आहे. विशेष म्हणजे या फोटोवर कमेंट्चा पाऊस पडत आहे. ज्युलियाने इन्स्टावर तिचे काही फोटो शेअर केले असून यात ती हुबेहूब अनुष्काप्रमाणे दिसत आहे.
View this post on Instagram
काही नेटकऱ्यांनी ज्युलिया आणि अनुष्काचा फोटो कोलाज केला आहे. विशेष म्हणजे हे फोटो पाहुन अनेकांनी अनुष्कावर प्रश्नाचा भडीमार केला आहे. अनुष्का ही तुच आहेस का ? असा प्रश्न एका नेटकऱ्याने विचारला आहे. तर काहींनी अडनाव बदललंस का ? असाही प्रश्न विचारला आहे.
Nushkie @AnushkaSharma is that really you ? i really got confused but both of u are beautiful @CozIGotIssues hi julia Nice to see u here pic.twitter.com/gMfUFV1k1n
— s (@SRKsEnorita1) February 3, 2019
दरम्यान, अनुष्काप्रमाणे दिसणारी ज्युलिया एक लेखिका असून ती गायिकाही आहे. ज्युलियाने २०१७मध्ये संगीतक्षेत्रात पदार्पण केलं आहे. याच वर्षी तिचा इशूज हे सोलो सिंगर रिलीज झालं.
