वेबसीरिजमध्ये ‘मेड इन हेवन’ सर्वाधिक लोकप्रिय !

स्कोर ट्रेंड्स इंडिया’ने जाहीर केलेल्या यादीनुसार, ‘मिर्झापूर’ प्रथम स्थानावर असून ‘सिक्रेड गेम्स’ दुसऱ्या स्थानावर आहे. तर मार्चमध्ये प्रदर्शित झालेल्या वेबमालिकांमधली ‘मेड इन हेवन’ तिस-या स्थानावर आहे. गेल्या महिन्यात वेब दुनियेत ‘मेड इन हेवन’, ‘दि फायनल क़ॉल’, ‘फ्लिप’, ‘दिल्ली क्राइम’ आणि ‘दि शोले गर्ल’ या वेबसीरिज प्रदर्शित झाल्या होत्या. त्यापैकी ‘मेड इन हेवन’ लोकप्रियतेत सर्वोच्च स्थानी दिसून येतेय.

गेल्या काही दिवसांपासून ‘स्कोर ट्रेंड्स इंडिया चार्ट्स’वर ‘सॅक्रेड गेम्स’ आणि ‘मिर्झापुर’ या दोन क्राइम थ्रिलर्सची प्रचंड लोकप्रियता दिसून आलीय. या दोन्ही वेबसीरिज लोकप्रियतेत नेहमी पहिल्या किंवा दुस-या स्थानावरच असतात. त्यांना त्या स्थानावरून हटवणे हे बाकी वेबसीरिजसाठी एक आव्हानच म्हणावे लागेल.

यंदा मार्चमध्ये अमेझॉन प्राइमची नवी वेबमालिका ‘मेड इन हेवन’ रिलीज झाल्यावर डिजिटल न्यूज, न्यूज प्रिंट आणि वायरल न्यूजमध्ये या मालिकेला चांगली लोकप्रियता मिळाली. त्यामुळेच तर ६७.५७ गुणांसह ही मालिका तिस-या स्थानावर आली. आणि मार्च २०१९ मध्ये झळकलेल्या वेबसीरिजमध्ये ती सर्वोच्च पदावर पोहोचली.

अर्जुन रामपाल, जावेद जाफरी आणि नीरज काबी स्टारर ‘झी-5 ओरिजिनल’च्या ‘द फाइनल कॉल’ने ४२.५७ गुणांसह लोकप्रियतेत सहावे स्थान पटकावले आहे. तर मार्चमध्ये रिलीज झालेल्या वेबसीरिजमध्ये ती दुस-या स्थानावर पोहोचली आहे. इरॉस नाऊ ओरिजिनलची बिजॉय नांबियार दिग्दर्शित, ‘फ्लिप’ २५.५४ गुणांसह वेबसीरिजच्या लोकप्रियतेच्या चार्टमध्ये ११ व्या स्थानी पोहोचलीय. तर मार्चमध्ये रिलीज झालेल्या वेबसीरिजमध्ये तिस-या स्थानी आलीय.
याशिवाय नेटफिक्स ओरिजिनल्सची ‘दिल्ली क्राइम’ २०.२७ गुण मिळवून लोकप्रियतेच्या लिस्टमध्ये १२ व्या पदावर आहे. आणि मार्चमध्ये रिलीज झालेल्या वेबमालिकांमध्ये चौथ्या क्रमांकावर आहे.

भारताची पहिली स्टंटवूमन रेश्मा पठाणवर आधारित बायोपिक सीरिज, Zee 5 ओरिजिनलची ‘दि शोले गर्ल’ १०.४१ गुणांसह १४ व्या स्थानी पोहोचलीय. मार्च २०१९ मध्ये रिलीज झालेल्या वेबसीरिजमध्ये पाचव्या स्थानावर आहे. अमेरिकेच्या स्कोर ट्रेंड्स इंडिया या मिडिया-टेक कंपनीने लोकप्रियतेच्या निकषांवर आधारित ही लिस्ट दिली आहे.

“मार्चमध्ये रिलीज झालेल्या वेबसीरिजमध्ये ‘मेड इन हेवन’ लोकप्रियतेच्या शिखरावर कमी अवधीत चढत गेली. ‘द फाइनल कॉल’, फ्लिप आणि ‘द शोले गर्ल’ या मार्चमध्ये रिलीज झालेल्या वेबसीरिजही सध्या जनमानसात लोकप्रिय झालेल्या दिसून येतायत. वेब सीरीजच्या अभिनेत्यांची वाढती लोकप्रियता जेव्हा आम्ही बारकाईने पाहू लागलो. तेव्हा आम्हांला असं लक्षात आलं की, आज बॉलिवूड स्टार्सप्रमाणेच या वेबमालिकांमध्ये काम करणा-या अभिनेत्यांची लोकप्रियता आहे. सोशल प्लेटफॉर्म, वायरल न्यूज़, डिजिटल न्यूज आणि न्यूजपेपर्स मध्ये त्यांचा वाढता प्रेजेंस ते स्टार्स झाल्याचाच पूरावा आहे. मार्चमध्ये रिलीज झालेली ‘दिल्ली क्राइम’ सुध्दा कमी अवधीत लोकप्रिय झाली.ज्यामुळे आम्हांला असं वाटतंय, की ही वेबसीरिज येत्या काही दिवसांमध्ये लोकप्रियतेची शिखरे पादाक्रांत करेल”, असं स्कोर ट्रेंड्सचे सह-संस्थापक अश्वनी कौल यांनी सांगितलं.